Ukiumi pisassiiffiusumi 2021-imi tikaagulliit pisassiissutaasut nunap immikkoortuinut agguaanneqarneri

Tikaagulliit

Kitaani

2021-mi Kitaani tikaagullittassat tunngaviusumik 164-iupput. Pisassiissutit agguaanneqassapput angallatinut tuukkartalinnik qamutililinnut 100-t aamma ataatsimoorluni piniaqatigiinnermut 64-it. Angallatit kiisalu ataatsimoorluni tikaagullinniarnissamut teknikikkut piumasaqaatinik nalunaarutini ataani taaneqartunik naammassinnissimasutut akuerineqarsimasut nalunaarut atuuttoq malillugu 1. januarimiit 31. decembarimut tikaagullinniarsinnaapput.

ATAATSIMOORLUNI - tikaagullittassat 2021

09.12 2020-mi pisat 2019-imiit nuussat ilanngullugit

Kalaallit Nunaata Kitaani*

Pisat 2020

Pisassiissutit 2021 (2019)

Qaanaaq

0

1 (1)

Upernavik

5

7 (6)

Uummannaq

6

6 (5)

Ilulissat

1

3 (2)

Qeqertarsuaq

5

4 (3)

Qasigiannguit

2

4 (3)

Aasiaat

3

4 (3)

Kangaatsiaq

8

4 (3)

Sisimiut

15

4 (3)

Maniitsoq

20

5 (4)

Nuuk

8

4 (3)

Paamiut

7

4 (3)

Narsaq

6

5 (4)

Qaqortoq

3

4 (3)

Nanortalik

5

5 (4)

Tamakkerlugit

94

64 (64)

* Qaanaaq, Upernavik, Uummannaq, Qasigiannguit, Narsaq aamma Nanortalik 1. dec. 2020-mi qamutilinnik tuukkartalinnik angallateqanngillat

Tunu              

2021-imi Tunumi tikaagullittassiissutit tunngaviusumik ukiumut 20-upput. Ataatsimoorussamik tikaagullinniarnissamut teknikikkut piumasaqaatinik nalunaarutini ataani taaneqartunik naammassinnissimasutut akuerineqarsimasut 1. januaarimiit 31. decembarimut tikaagullinniarsinnaapput.

ATAATSIMOORLUNI - tikaagulliit 2021

09.12 2020-mi

Tunumi tikaagulliit*

Pisat 2020

Pisassiissutit 2021 (2020)

Ittoqqortoormiit

0

8 (8)

Ammassalik

20**

12 (12)

* Ittoqqortoormiit aamma Ammassalik 1. dec. 2020-imi angallatinik tuukkartalinnik qamutililinnik peqanngillat  /** 2019-imiit nuutaniit pisat ilanngullugit.

Tunngaviusumik pisassiissutinik januaarimi aaqqiisoqassaaq pisarinngitsuukkat nuunneqarnissaat eqqarsaatigalugu. Pisarinngitsuukkanik nuussinermi (carry-over) periaaseq IWC-mi ataatsimiinnermi kingullermi (IWC 67, septembari 2018) akuerineqartoq malinneqassaaq.

Malugeqquneqarpoq Kalaallit Nunaata Kitaani pisarinngitsuukkanik nuussisinnaanermi killissarititaasoq tikaagullinniit 15-niit 50%-mut qaffanneqassasoq, tassalu amerlanerpaamik tikaagulliit 82-it. Ilisimatuussutsikkut ataatsimiititaliap nalunaarutigereerpaa nuussisinnaanermi killissarititaasumik qaffaaneq pineqartoq piujuaannartitsinermut kinguneqassanngitsoq. Kalaallit Nunaata Kitaani pisassiissutinik pisarinngitsuukkanik kattussisinnaanermut ukioq aallartiffiusoq 2018-iuvoq.

Malugeqquneqarpoq Tunumi 2020-mi pisarinngitsuukkanik nuussisinnaanermi killissarititaasoq tikaagulliit quliusut. Pingasuniit 50%-mut qaffanneqassaaq, tassalu annerpaamik tikaagulliit 10-nik amerlassusillit. Ilisimatusarnermut ataatsimiititaliap nalunaarutigereerpaa nuussisinnaanermi killissarititaasumik qaffaaneq pineqartoq piujuaannartitsinermut kinguneqassanngitsoq. Tunumi pisassiissutinik pisarinngitsuukkanik kattussisinnaanermut ukioq aallartiffiusoq 2020-iuvoq.

Eqqarsaatigineqarpoq kommunerujussuit nammineerlutik pisassiissutit sinnerinik agguaasseqqittarsinnaasut, immaqa ullormik aalajangersimasumik piffissalerlugit pisaasut aqunneqarnissaat aammalu pisassiissutit paggatassiissutigineqannginnissaat siunertaralugu, Naalakkersuisoqarfik ingerlaannartumik agguaasseqqinnermut tunngasunik piaartumik ilisimatittarlugu. Naalakkersuisunut ilaasortap kommunit ataasiakkaat akor­nanni agguaasseqqittarnerit isumagisassaraa.

§ 9, imm. 1 naapertorlugu APNN kingusinnerpaamik ulloq 1. septembari pisassiissutinik sinnerusinnaasimasunik agguaasseqqinnissamut pisussaavoq KNAPK aamma kommunit sinniisui tusarniareerlugit.

Piniarnissani piumasaqaatit (www.inatsisit.gl)

Arfernik angisuunik piniarneq ingerlanneqassaaq takuuk:

  • Arfernik angisuunik illersuineq piniarnerlu pillugit Namminersorlutik Oqartussat nalunaarutaat nr. 9, 6. december 2018-imeersoq
  • Arfattat angisuut pissatallu nalunaarutigineqartarnerat pillugu Namminersorlutik Oqartussat nalunaarutaat nr. 12, 16. juli 2010-meersoq.

Kalaallit Nunaanni arferit anginerit pisassat Arfanniarnermut Ataatsimiititaliarsuup (IWC), pisassiissutinik aalajangiisartuusup, inassuteqarnera tunngavigalugu aalajangersorneqartarput. Ataatsimoortumik ukiunut 7-nut atuuttumik tikaagulliusaanik, arfivinnik, qipoqqanik Kitaanilu tikaagullinnik aammalu Tunumi tikaagullinnik pisassiissutit 2019-2025-imut atuupput. Ukioq pisassiiffiusoq naagaangat nalilersuineqartartussaavoq, ukiumut tullermut pisassiinissamut nutaamik inassuteqaateqartoqarsimassagaluarpat pisassanillu qaangiisoortoqarsimanersoq nalilersorlugu.

Sukumiinerusumik paasisaqarusukkaanni immikkoortortaqarfimmi pisortaq Amalie Jessen attavigiuk, oqarasuaat 34 53 04, e-mail: amalie@nanoq.gl