Sinerissap qanittuani 2021-mi saarullittassat 21.000 tonsiupput

Naalakkersusiut decembarip 10-anni 2020-mi aalajangerpaat sinerissap qanittuani 2021-mi saarullittassat 21.000 tonsiussasut. TAC-iuliunneqartup ilaanit Naalakkersuisut sunngiffimmi aalisartunut 1.000 tonsinik saarullittassiipput. Naalakkersuisut aamma ilanngullugu aalajangerpaat sinerissap qanittuani saarullinniarneq ilisimatuussutsikkut ukiunut tulliuttunut innersuussutigineqartartunut nalimmassarneqassasoq.

ICES-is siunnersuivoq kangerluit saarullii 5.283 tonsit 2021-mi aalisarneqarsinnaassasut. Saarulleqatigiit kangerluit saarulliinik aamma avataata saarulliinik akuleriaallutik amerlaqatigiimmata, sinerissap qanittuani aalisarneqartut sumiiffinnit pineqartuneersuussapput.

Taamaattumik Pinngortitaleriffik naliliivoq sinerissap qanittuani 10.566 tonsit aalisarneqartut assigiinnassagaat kangerlunni 5.283 tonsit aalisarneqartut, soorlu taama siunnersuisoqartoq.

Attavigineqarsinnaavoq Aalisarnermut, Piniarnermut Nunalerinermullu immikkoortortami pisortaq, Birgitte Jacobsen. E-mail: bija@nanoq.gl