Namminersorlutik Oqartussat, kommune-t aamma Nunatsinni Perorsaasut Kattuffiat ukiuni tulliuttuni sisamani atuuttussamik isumaqatigiipput

Namminersorlutik Oqartussat aamma Nunatsinni Perorsaasut Kattuffiat (NPK) qaammatit arlallit atorlugit isumaqatigiinninniareerlutik ukiunut tulliuttunut sisamanut atuuttussamik isumaqatigiissutissamik 31. marts 2024-ip tungaanut atuuttussamik isumaqatigiipput. Akissarsiap pisissutaasinnaasup annertuumik annertuseriarnera ilaatigut isumaqatigiissummi qulakkeerneqarpoq. Pingaartinneqarsimasorlu, perorsaasut meeqqat pillugit nalunaarsuisarnermut allaffissornissamut piffissamik immikkoorsitsivigineqarnerat qulakkeerneqarluni. Aammattaaq immikkut sulinngiffeqarnissat ullormik ataatsimik ilaneqar-put, taakku ukiumut ullut tallimanngortinneqarlutik, ukioqqortusisimaneq pillugu sulinngiffeqarsinnaaneq aammalu ernereersimanerup kingorna sulinngiffeqarnermi sapaatip akunnerini kingullerni sisamaasuni tamakkiisumik akissarsiaqarneq qulakkeerneqarlutik. Illua’tungeriit isumaqatigiissummik nammagisimaarinninnertik unnersiutigaat.

Aningaasaqarnermut Naalakkersuisoq, Vittus Qujaukitsoq, isumaqatigiittoqarnerani imatut oqaaseqarpoq: ”Nuannaarutigeqalugulu naammagisimaarpara, perorsaasut atorfeqarnerannut atugassarititaasunut ukiunut tulliuttunut sisamanut atuuttussamik maanna isumaqatigiittoqarmat. Perorsaasut sullitaminnut sullissinerat inuiaqatigiinnut pingaaruteqarluinnarpoq, tamannalu pissusissamisoorsoralugulu eqqortuusoraara, isumaqatigiissummi aaqqiissutissat sulianut naapertuunnerat isumaqatigiissutigineqartuni takuneqarsinnaammat.”

Naalakkersuisoq nangilluni oqaatigivaa ”pingaaruteqarluinnarpoq erseqqissaatigissallugu isumaqatigiinniarnerit sullissinermi atugassarititaasuinnaanngitsut qulakkeerneqarmata, aammattaaq naalakkersuisuniit meeqqat inuusuttullu sullinneqarnerannut siunniunneqarsimasut ineriartortinnissaannut suliniutinut ikorfartuummata.”

Attavissaq:

André Guttesen

Toqq/direkte 59 79 19

andg@nanoq.gl