Sinerissap qanittuani nunap immikkoortuanut 46-mut qaleralittassiissutit aalajangerneqarput

Naalakkersuisut decembarip 10-anni 2020-mi ataatsimiinnerminni aalajangerpaat aqutsiveqarfinni nutaani Sisimiut-Maniitsoq, Nuuk, Paamiut-Qaqortoq aamma Qaanaaq sinerissap qanittuani qaleralinniarnermi TAC 2021 katillugit 2.131 tonsiussasoq.

Naalakkersuisut aalajangernerminni 2021-mut pisassiinermi ukiuni kingullerni pingasuni 2017, 2018 aamma 2019 pisarineqartartut agguaqatigiisinneri tunngavigaat. Qaanaamut qaleralittassiissutigineqartut aalisarumaakkat tunngavigalugit aalajangerneqarput.

Aqutsiveqarfinnut TAC-it:

Sisimiut-Maniitsoq: 223 tonsit

Nuuk: 1.039 tonsit

Paamiut-Qaqortoq: 618 tonsit

Qaanaaq: 500 tonsit

Tunu: pisassiisoqanngilaq

Qularnaatsumik nungusaataanngitsumik aalisarnissaq aningaasarsiornissarlu qulakkeerniarlugu MSC-millu meqqilersuititsinissaq siunertaralugu, Naalakkersuisut aalajangerput, aalisarneq 2021-mi ilisimatitsissutigineqassasoq 2022-mit aalisarneq nalimmassarneqalissammat, NAFO-p ilisimatuussutsikkut siunnersuineranut, nungusaataanngitsumik aalisarnermut naleqqussarneqassalluni.

Attavigineqarsinnaavoq Aalisarnermut, Piniarnermut Nunalernermullu Naalakkersuisoqarfimmi immikkoortortami pisortaq, Birgitte Jacobsen. E-mail: bija@nanoq. gl.