Juullilernerani tikittussanik mattussineq taamaatitsinerlu

Peqqissutsimut innersuussutit aammalu inuiaqatigiinni tuniluuttoqarsinnaaneranut missiliukkat tunngavigalugit Naalakkersuisut juullip ukiortaallu nalaanni angalasussat ikilisarneqarsinnaaneri misissuiffigaat.

Siornatigut suliniutaasimasut kissaatigisanik sunniuteqarsimanngillat, taamaattumillu maanna Naalakkersuisut Air Greenland imatut ilioqqullugu peqquaat.
  1. 21. aamma 22. decembarimi Danmarkimut Danmarkimiillu aallartussat, taakkununngalu atatillugu nunatsinni ingerlaqqiffissat taamaatinneqarput. Taakkununnga taarsiullugu decembarip ulluisa 19-ianni Imarpik qulaallugu timmisartuliisoqarpoq, 18. aamma 20. decembarimi aallartussanut taarsiullugu ilaaffigineqarsinnaasumik.
  2. Angerlarsimaannarnissamut maleruagassat atuuttut atorlugit juullisiornissaq qulakkeerniarlugu, maanna 20. decembarimi tikittussanut mattussisoqarpoq
  3. Tamatuma saniatigut 2. decembarimiit 17. januar 2021 tikillugu bilitsinik tamanik tamakkiisumik utertitsisinnaaneq ammaanneqarpoq.
  4. Suliniutit taakku atorsinnaanngiinnassappata, upernaaq takoriikkatsitut tikittussat amerlassusiinik killiliiniarluta suliniuteqarnermik atueqqissinnaavugut.
Nunarsuaq tamakkerlugu angalannginnissaq innersuussutigineqarpoq kaammattuutigineqarlunilu. Periarfissaq manna atorlugu bilitsisi allanngortinniarisigit angalanissassinnillu kinguartitsiniarisi, tamatta sumi tamaanngaanniit naapeqatigiissinnaalernissatsinnut qilanaarpugut – kisiannili tamanna maanna piffissaanngilaq.