Qarasaasiaq aqqutigalugu innuttaasunik tusarniaanissaq

Naalagaaffeqatigiit Inuit Pisinnaatitaaffii pillugit FN-ip Siunnersuisoqatigiivinut nalunaarusiornissaanut nunatta ilanngussassai pillugit qarasaasiaq aqqutigalugu innuttaasunik tusarniaanissaq

Naalagaaffeqatigiit FN-ip Inuit Pisinnaatitaaffii pillugit Nunarsuatsinni pisinnaatitaaffiit pillugit piffissami nalilersuisarnerni (UPR-Universal Periodic Review) pingajussanik nalunaarusiornissaanut nunarput ilanngussassaminik 2021-mi januarimi tunniussissaaq. Nalunaarusiap suliarineqarnerani nunatsinni inuiaqatigiinni suleqatigiiffiit suliffeqarfiit innuttaasunillu akuutinneqarnissaat Naalakkersuisut kissaatigaat. Tamatuma kingunerisaanik Naalakkersuisut Inuit Pisinnaatitaaffii pillugit Siunnersuisoqatigiiffik suleqatigalugu qarasaasiaq aqqutigalugu innuttaasunik tusarniaaniarput ulloq 2. december 2020 nal 17:00-19:00.

Innuttaasunik tusarniaanermi Nunanut Allanut Nukissiuuteqarnermullu Naalakkersuisoqarfik aallarniilluni UPR ataani FN-imi misilitsittarneq pillugu naatsumik saqqummiisaaq. Tamatuma kingorna Inuit Pisinnaatitaaffii pillugit Siunnersuisoqatigiiffik inuit pisinnaatitaaffii pillugit suliniaqatigiiffiit suliffeqarfiilu nunatsinneersut allat pingasut peqatigalugit naatsumik saqqummiissapput. Tamatuma kingorna oqallittoqassaaq qarasaasiarlu aqqutigalugu peqataasut oqaaseqarlutillu apeqquteqarsinnaassallutik. Oqallinnermit inerniliinerit peqataasullu isumaat paasissutissiissutaallu nunatta UPR-nalunaarusiamut ilanngussassaata naammassivinneqarnerani ilaatinneqassapput. Kalaallisut danskisullu tusarniaasoqassaaq.

Nalunaarusiassamut missingiummut innersuussaq

Pisussat pillugit pilersaarut:

Nal.17:00 -17:05 Ilisarititsineq ilisimatitsissutillu

Nal.17:05-17:15 Nunanut Allanut Nukissiuuteqarnermullu Naalakkersuisup Steen Lyngep tikilluaqqusinera

Nal. 17:15-17:35 Inuit Pisinnaatitaaffii pillugit Siunnersuisoqatigiiffiup siulittaasuata Sara Olsvigip saqqummiinera

Nal. 17:35-17:45 Hjalmar Dahl, Inuit Circumpolar Councilimeersup saqqummiinera

Nal.17:45-17:55 Christina Johnsenip Innarluutillit Illersuisuata saqqummiinera

Nal. 17:55-18:05 Aviaja Egede Lyngep Meeqqat Illersuisuata saqqummiinera

Nal. 18.05 -18.50 Apeqqutigiumasat oqallinnerlu

Nal.18:50-19:00 Naggataarutaasumik oqaaseqaatit inerniliinerlu

Innuttaasunut tusarniaanermi malinnaanissaq linkimi ersittumi iserfigineqarsinnaavoq:

UPR Kalaallit Nunaat - Kalaallisut (adobeconnect.com)


UPR Kalaallit Nunaat - Dansk (adobeconnect.com)

Tunuliaqutaasut
Naalagaaffeqatigiit FN-ip Inuit Pisinnaatitaaffii pillugit Nunarsuatsinni pisinnaatitaaffiit pillugit piffissami nalilersuisarnerni (UPR-Universal Periodic Review) misilitsinnermi nunarput maj 2021-imi pingajussaanik peqataassaaq. Misilitsinneq FN-ip Inuit Pisinnaatitaaffii pillugit Siunnersuisoqatigiivinit ingerlanneqartarpoq, tassani nunat FN-imut ilaasortaasut tamarmik inuit pisinnaatitaaffii pillugit sulinerminni pissutsit pillugit assigiimmik nalunaaruteqartarput - misilitsillutillu.

UPR-imi Inuit Pisinnaatitaaffii pillugit Naalagaaffiit Peqatigiit Siunnersuisoqatigiivisa FN-imi naalagaaffiit ilaasortani tamani pissutsit nunat ataasiakkaarlugit ataatsimeeqatiginerini misissortarpaat (tassa UPR-imi misilitsinneq). UPR-imi misilitsinneq FN-ip isumaqatigiissutinut ataatsimiititaliaatulli inuit pisinnaatitaaffii pillugit isumaqatigiissummut aalajangersimasumut attuumassuteqanngilaq. Taamaattumik UPR-imi misilitsinneq inuit pisinnaatitaaffii pillugit isumaqatigiissutinut tamanut, naalagaaffimmit ilaasortaasumit atuutsilersinneqarsimasunut tunngavoq.

Naalagaaffeqatigiit ukiut sisamakkuutaarlugit UPR ataani misilitsittarpoq. UPR nalunaarusiassamut kalaallit ilanngussassaanik Naalakkersuisut suliaqaleruttorput missingiummillu tusarniutigineqartumik suliaqareersimallutik taannalu uani takuneqarsinnaavoq:

Paasissutissanik amerlanerusunik perusukkuit: Nunanut allanut Nukissiuuteqarnermullu naalakkersuisoqarfimmi pisortaq: Kenneth Høegh, +299 56 56 04