Uummannnami qassusersornerup matuneqarnissaa

Kalaallit Nunaanni Aalisarsinnaanermut Akuersissutinik Nakkutilliisoqarfik matumuuna nalunaaruteqarpoq, aqutsiveqarfimmi Uummannami sinerissap qanittuani umiatsiaararsortunut qaleralittassiissutigineqaqqaartut nungummata. Taamaattumik qassutit atorlugit aalisarneq tamarmi matuneqarpoq. Atortut allat atorlugit suli aalisartoqarsinnaavoq.

Matusinermi aqutsiveqarfimmi Uummannami qassutit atorlugit aalisarnermi akuersissutit 47-JK-mik naaneqartut kisimik eqqorneqassapput.

Taamaattumik arfininngorneq ulloq 5. december 2020 nal. 23:59 aamma qassutit atorlugit aalisarfiusinnaasoq kingulliussaaq, piffissarlu taanna malillugu qassutit tamarmik qaqinneqariissapput.

Naatsorsuutigineqarpoq qassutit atorlugit aalisarneq 01.01.2021 ammaqinneqassasoq.

Annertunerusumik paasisaqarusukkuit attavigiuk Kalaallit Nunaanni Aalisarsinnaanermut Akuersissutinik Nakkutilliisoqarfik oqarasuaat 34 50 00 imaluunniit e-mail gflk@nanoq.gl