2021-mut aaffattassat

Aalisarnermut, Piniarnermut Nunalerinermullu Naalakkersuisup aaffattassat 2021-moortut akuerai. Uumassusilerituuniit siunnersuinerit NAMMCO-miit 2019-imi tiguneqartut tunngavigalugit aaffattassiissutinik agguaassisoqarpoq, kiisalu Avannaata Imartaanut (Qaanaap aqutsiveqarfia) uumassusilerituut siunnersuinerat 2016-imiit 2020-mut tunngasoq,  tusarniaareertoqarnerata kingorna politikikkullu aamma aalajangiinerup kingorna pisassiisoqarluni. Aamma takuuk aavernik illersuineq piniarnerlu pillugit Namminersornerullutik Oqartussat nalunaarutaat normu 20, oktobarip 27-anneersoq 2006-imi §§ 3 aamma 4. Siunnersuinermik nutaamik tigusisoqarnissaata tungaanut uumassusilerituut siunnersuinerat kingulleq atuuppoq.

Aaffattassiissutit 2021-moortut 2020-imut sanilliullugu allannguuteqanngillat. Aaffattassiissutit aaveqatigiikkuutaanut ataasiakkaanut ima agguaanneqarput:

Tabiili 1: Aaffattassiissutissatut 2021-mut pingaarnertut siunnersuutigineqartut aamma ilisimatuussutsikkut aaffattassiissutissanik siunnersuineq.

Aaveqatigiit

Aaffattassiissutit 2021-moortut

Uumassusilerituut siunnersuinerat

Avannaata Imaata Kitaa

(Qaanaap eqqaani)

79   1)

84 4)

Kitaata imartaa (Kitaata imartaani ukiukkut aaveqatigiit)

  74   2)

86 5)

Kitaata imartaani katillugit

              153

170

Tunup imartaa (Tunu)

    17 3)

19 6)

Nunarput katillugit

170

189

1) Uumassusilerituut siunnersuinerat 94-it Canada/Nunavummut aaffattassiissutit tallimat aamma pissatat/annaasat 12%-it ilanngaatigereerlugit.

2) Uumassusilerituut siunnersuinerat 97-it Canada/Nunavummut aaffattassiissutit aqqaneq-marluk aamma pissatat/annaasat 13%-it ilanngaatigereerlugit.

3) Uumassusilerituut siunnersuinerat 19-it pissatat/annaasat 14%-it ilanngaatigereerlugit.

4) Uumassusilerituut ataatsimut siunnersuinerat 94-it pissatat/annaasat 12%-it tassa qulit ilanngaatigereerlugit.

5) Uumassusilerituut siunnersuinerat 97-it pissatat/annaasat 13%-it tassa aqqanillit ilanngaatigereerlugit.

6) Uumassusilerituut siunnersuinerat 19-it taakkunannga 14%-it tassa marluk pissataallutik/annaasaallutik.

Aqutsiveqarfinnut 2021-imi pisassat agguarneqarneri

Pisassiissutit kommuninut agguaanneqartarput, taakku namminneerlutik aalajangertarpaat sumiiffimmut sorlermut pisassiissutigissallugit.

Tabel 2. Aarrit Kitaani pisassiissutigineqartut agguarneri

Avannaata imartaa

2021

Qaanaaq

79

Qaanaaq tamakkerlugu

79

Kitaa

2020

Upernavik

24

Uummannaq

Ilulissat

Qeqertarsuaq

19

Qasigiannguit

Aasiaat

Kangaatsiaq

Sisimiut

31

Maniitsoq

Kitaa tamakkerlugu

74

Tunu

2021

Ittoqqortoormiit

17

Tasiilaq

Tunu tamakkerlugu

17

Pisassiissutit kommuninut agguaanneqartarput, taakku namminneerlutik aalajangertarpaat sumiiffimmut sorlermut pisassiissutigissanerlugit. Agguaassinermi aaveqatigiikkuutaat amerlassusiisa killeqartinneqarnissaat isumagineqassaaq. Akuersissut imaluunniit arlariit kommunemiit piniartumut tunniunneqassapput taassumalu piniarnermini taakkua nassassavai.

Aaffattassat katillugit 170-iupput.

Inatsisit tunngavigineqartut

Aavernik piniarnermi inatsit tunngavigineqartoq tassaavoq Aavernik illersuineq piniarnerlu pillugit Namminersornerullutik Oqartussat nalunaarutaat normu 20, oktobarip 27-anneersoq, 2006-imi.

Aarrit pisarineqarsimanngitsut nuunneqarneri – “Carry-over”

Aarrit ukiup siuliani pisarineqarsimanngitsut ukiumut pisassiiffiusumut tullermut nuunneqarsinnaapput. Nuussinermi amerliartuutaanngitsoq periuseq atorneqartarpoq. 2020-mi inaarutaasumik pisaasimasut kisinneqassapput 2021 aallartilaarpat, taassumalu kingorna 2021-mi pisassanut nalimmassaasoqarsinnaalluni.

Annerusumik paasisaqarusukkuit Aalisarnermut, Piniarnermut Nunalerinermullu Naalakkersuisoqarfimmi immikkoortortaqarfimmi pisortaq, Amalie Jessen, attavigisinnaavat. Tlf: 34 53 04. E-mail: amalie@nanoq.gl