Aqutsiveqarfimmi Uummannami umiatsiaararsortunut qaleralittassiissutigineqartut ilaneqarput

Naalakkersuisut novembarip 19-anni 2020-mi aalajangerpaat Uummannap sineriaata qanittuani umiatsiaararsortunut qaleralittassiissutigineqartut 528 tonsinik ilaneqassasut.
Umiatsiaararsortunut qaleralittassiissutigineqartut taamaalillutik 6.890 tonsiulerput.

Taamaalilluni aqutsiveqarfimmut Uummannamut aalisariutinut umiatsiaararsortunullu 2020-mi qaleralittassiissutigineqartut katillugit 10.028 tonsiulerput. Aqutsiveqarfimmut Uummannamut ilisimatuussutsikkut innersuussutigineqartut 5.800 tonsiupput.

Qaleralittassiissutigineqartut umiatsiaararsortunuinnaq pisassiissutaapput, ukiumullu qaleralittassiissutigineqartut sinneri 118 tonsit ilanngunneqarput. (paasissutissaq 17/11).

Sinerissap qanittuani qaleralinniarneq pillugu Namminersorlutik Oqartussat nalunaarutaat normu 11, 28. aggustimeersoq 2014 naapertorlugu umiatsiaararsortut qalerallit ilassutigineqartut qassutinik aalisassanngilaat. KANUAANA tusagassiuutinut nalunaaruteqarpat qassutinik aalisarneq unitsinneqassaaq.

Naalakkersuisut aamma aalajangerput Namminersorlutik Oqartussani suleqatigiissitamik pilersitsisoqassasoq, suleqatigiissitap ukiup naalernerata qaammataani pisasseeqqittarneq pinaveersaartinniarlugu, ingerlatsinikkut aaqqiissutaasinnaasumik periarfissarsiuisoqassalluni.

Qaleralinniarneq unitsinneqassaaq pisassiissutigineqartut tamakkerneqarpata.


Paasissutissanik amerlanerusunik pisoqarusuppat, matumani ilanngunneqanngitsunik, Aalisarnermut, Piniarnermut Nunalerinermullu Naalakkersuisoqarfimmut saaffiginnittoqarsinnaavoq: apnn@nanoq.gl