Appanut ullormut pisassat pillugit tuniniaanermullu maleruagassat pillugit eqqaassitsissut

Appanniarnermut piffissaliussat, ullormut pisassat aamma tuniniaanermut maleruagassat atuuttut Aalisarnermut, Piniarnermut Nunalerinermullu Naalakkersuisoqarfimmiit matumuuna eqqaassitsissutigineqassapput, takuuk Timmissanik illersuineq piniarnerlu pillugit Namminersorlutik Oqartussat nalunaarutaat nr. 17. 28. Oktober 2019-meersoq.

Appanniarnermut piffissat piniarfiusut:

Zonit
Zone 1
Zone 2 
Zone 3 
Zone 4
Piniagaaffiit   15.10 - 29.02 aamma
01.03 – 15.06
 15.09 – 15.11
aamma
15.04 – 15.05
01.11 – 15.12
 01.11 – 31.12

Appanniarnermi ullormut pisassat:

Inuussutissarsiutigalugu piniarnermut allagartallit:
Inuussutissarsiutigalugu piniarnermut allagartallit Zone 1-mi, Zone 2-mi, Zone 3-mi aamma Zone 4-mi piffissami piniarfiusumi ullormut piniarfiusumut appanik aamma appanik sigguttuunik ataatsimut katillugit amerlanerpaamik 20-nik pisaqaqqusaapput.

Taassuma saniatigut inuussutissarsiutigalugu piniarnermut allagartallit Zone 1-mi piffissami piniarfiusumi martsip aallaqqaataaniit juunip 15-ia ilanngullugu ullormut piniarfiusumut appanik aamma appanik sigguttuunik ataatsimut katillugit amerlanerpaamik 5-nik pisaqaqqusaapput taamaallaallu nammineq atugassanik. Inuussutissarsiutigalugu piniarnermut allagartallit Zone 2-mi piffissami apriilip 15-ianiit maajip 15-ia ilanngullugu ullormut piniarfiusumut appanik aamma appanik sigguttuunik ataatsimut katillugit amerlanerpaamik 3-nik pisaqaqqusaapput taamaallaallu nammineq atugassanik.

Sunngiffimmi piniarnermut allagartallit:

Sunngiffimmi piniarnermut allagartallit Zone1-mi, Zone 2-mi, Zone 3-mi aamma Zone 4-mi piffissami piniarfiusumi ullormut aallaniarfiusumut appanik aamma appanik siggutuunik ataatsimut katillugit amerlanerpaamik 3-nik pisaqaqqusaapput taamaallaallu nammineq atugassanik.

Taassuma saniatigut sunngiffimmi piniarnermut allagartallit Zone 1-mi piffissami piniarfiusumi martsip aallaqqaataaniit juunip 15-ia ilanngullugu ullormut aallaaniarfiusumut appanik aamma appanik sigguttuunik ataatsimut katillugit amerlanerpaamik 5-nik pisaqaqqusaapput taamaallaallu nammineq atugassanik. Sunngiffimmi piniarnermut allagartallit Zone 2-mi piffissami piniarfiusumi apriilip 15-ianiit maajip 15-ia ilanngullugu ullormut aallaaniarfiusumut appanik aamma appanik siggutuunik ataatsimut katillugit amerlanerpaamik 3-nik pisaqaqqusaapput taamaallaallu nammineq atugassanik.

Ullormut pisassat ulluniit aallaaniarfiunngitsuniit imaluunniit ulluniit pisassat tamakkerneqarfiunngitsuniit.sipaarneqaqqusaanngillat. Soorluttaaq ullunut tulliuttunut ullormut pisassat siumoortumik pisarineqaqqusaanngitsut.

Appanik tuniniaaneq:

Inuussutissarsiutigalugu piniarnermut allagartallit taamaallaat appanik tuniniaaqqusaapput taamaallaallu nammineq aqutsiveqarfimminni tuniniaaqqusaallutik– zonit siuliani taaneqartut takukkit. Taassuma saniatigut appanik aamma appanik sigguttuunik piffissami piniarfiusumi aqutsiveqarfiit iluanni taamaallaat tuniniaasoqaqqusaavoq taamaallaallu tuniniaavinni uumasut nakorsaqarfiannit akuerineqartuni, Kalaalimineerniarfiit ilanngullugit.

Timmissat piniagaaffii eqqissisimatitaaffii tamarmik uani aaneqarsinnaapput.

Tassani aamma zone-nut immikkoortiterinut takussutissiaq aaneqarsinnaavoq. Ilanngussaq zonet allattorsimaffiat takuuk.

Erseqqinnerusunik paasissutissat pillugit attaviguk Amalie Jessen Aalisarnermut, Piniarnermut Nunalerinermullu Naalakkersuisoqarfik, tlf.: 34 53 04, e-mail: amalie@nanoq.gl