Karrat Kangerluanni qaqqap sisoorneranut tunngatillugu pisunut upalungaarsimanermut naliliinera nutartigaq

Kalaallit Nunaanni Upalungaarsimanermut Ataatsimiititaliap Karrat Kangerluanni qaqqap sisoorneranut tunngatillugu pisunut upalungaarsimanermut naliliinera nutartigaq

Ulloq 17. juuni 2017 Karrat Kangerluanni qaqqamik sisoortoqarpoq. Qaqqap sisoornera taanna tassaarsuaqartitsivoq, Nuugaatsiaq aamma Illorsuit eqqugaallutik.

Kalaallit Nunaanni Upalungaarsimanermut Ataatsimiititaliap 2020-mi oktobarimi Karrat Kangerluanni qaqqanik sisoortoqarnissaanut tassaarsuaqarnissaanullu ulorianartorsiorneq pillugu GEUS-ip naliliinera nutartigaq tiguaa. Misissuinerni nutaanerpaani uppernarsarneqarpoq, Karrat Kangerluanni qaqqat innartaanni sisoortoqarsinnaanera annertusoq. Tassalu nikerarnerit suli annertusut GEUS-imit takuneqarsinnaavoq. GEUS naliliivoq, sumiiffinni ulorianartorsiorfiusuni qaqqat annertuumik sisoorsinnaanerisa ilimanaateqarnerat allannguuteqanngitsoq, taamaattumillu tassaarsuaqarsinnaaneranut ulorianartorsiornerup qaffasissorujussuunera allannguuteqarani.
Qaqugu sumerpiarlu Karrat Kangerluanni qaqqat sisoorneri annertunerusut pissanersut eqqoriaruminaappoq. Aamma sumiiffiit annertoorsuarmik ulorianartorsiorfiusut arlaqarmata, siunissami aamma qaqqat annertunerusumik sisooreernerisa kingorna qaqqanik nutaamik sisoortoqarnissaanut annertoorsuarmik ulorianartorsiortoqassasoq naatsorsuutigineqartariaqarpoq.

GEUS-imit paasissutissat nutartikkat tunngavigalugit Kalaallit Nunaanni Upalungaarsimanermut Ataatsimiititaliaq naliliivoq, upalungaarsimanermi suliani uku pillugit naliliinerit atuutiinnarnissaat aalajangiusimaneqassasut:

Taamaattumik Kalaallit Nunaanni Upalungaarsimanermut Ataatsimiititaliaq naliliivoq, Nuugaatsiaq aamma Illorsuit aammalu kangerloqarfillu inissisimaffigisaat ulorianartorsiorfiusutut suli isigineqartariaqartut. Tamatuma malitsigisaanik Kalaallit Nunaanni Upalungaarsimanermut Ataatsimiititaliaq naliliivoq, innuttaasut tunngavissat pigineqartut tunngavigalugit Nuugaatsiamut aamma Illorsuarnut suli utertariaqanngitsut, aammalu ulorianartorsiorfiusuni taakkua qanitaanniittuni angalaartoqartariaqanngitsoq.

Upalungaarsimanermi sulianik naliliineq uani aaneqarsinnaavoq.

GEUS-ip Karrat Kangerluanni qaqqanit sisoortoqarsinnaanera tassaarsuartoqarsinnaaneralu pillugu allakkiaa – 2020-mi oktobarimi suliami ilisimasat pillugit killiffik

Annertunerusumik paasisaqarusunnermi Kalaallit Nunaanni Upalungaarsimanermut Ataatsimiititaliap siulittaasua, Naalakkersuisoqarfimmi pisortaaneq Mette Skarregaard Pedersen, Tlf.: 346476-mut. E-mail: mesp@nanoq.gl aqqutigalugu attaveqarfigineqassaaq