Anna-Sofie Skjervedal Kalaallit Nunaanni International Arktisk Hub-ip allattoqarfiani pisortatut atorfinitsinneqarpoq

International Arktisk Hub-ip siulersuisui aalajangerput, Anna-Sofie Skjervedal Kalaallit Nunaanni International Arktisk Hub-ip nutaap allattoqarfiani pisortatut 1. novembari 2020 aallarnerfigalugu atorfinitsinniarlugu.

International Arktisk Hub allattoqarfiuvoq nutaaq, Kalaallit Nunaanni aamma Danmarkimit pilersinneqartoq. Issittumi ilisimatusarneq, ilinniartitaaneq nutaaliornerlu pillugit nunani tamalaani suliaqartut assigiinngitsut akimorlugit suleqatigiinnerisanukittorsarneqarnissaa, taamaalillunilu taakku annertunerusumik Kalaallit Nunaannit aallaaveqarnissaat anuniarlugu Allattoqarfik pilersinneqarpoq. International Arktisk Hub aallaavittut najukkami, nunatsinni aammalu nunani tamalaani ilisimatusartut akornanni attaveqaqatigiinnernik suleqatigiinnernillu pilersitsisassaaq. Tamatuma saniatigut International Arktisk Hub-imi ilisimatusarfiit ilinniarfiillu aammalu innuttaasut, suliffeqarfiit, politikkikkut aalajangiisartut soqutigisaqartullu akornanni, inuiaqatigiinni kalaallini nungusaataanngitsumik ineriartortitsinissamut iluaqutaasumik attaveqaqatigiinnermik siuarsaanissaq siunertarineqarpoq. Allattoqarfik Nuummi Pinngortitaleriffimmut inissinneqassaaq.

Anna-Sofie Skjervedal-ip atorfinitsinneqarnerani International Arktisk Hub allattoqarfimmi pisortamik piginnaaneqarluartumik, issittumi ilisimatusarnermik, suliniutinik aqutsinermik attaveqaqatigiinnermillu misilittagalimmik sulisoqalissaaq. Anna-Sofie Skjervedal 2018-imi Aalborg Universitetimiit aamma Ilisimatusarfimmiit Kalaallit Nunaanni pingaartumik inuusuttut innuttaasutut akuutinneqarnerisa immikkut aallunneqarnera pillugu allaaserisaqarluni Ph.d.-nngorpoq. 2017-imili Kommuneqarfik Sermersuumi innuttaasunik akuutitsisarnermi siunnersortinutpisortatut sulisimavoq.

Anna-Sofie Skjervedal Nuummi peroriartorsimavoq, aammalu ilinniarnermini nunani allani najugaqarsimalluni. 2016-imi uini meeqqatillu marluk ilagalugit Nuummut uterluni nuuppoq.

International Arktisk Hub-imi suliassat takorluukkallu uani takukkit.

Attavissaq
Annertunerusumik apeqqutissaqartoqaruni Ulrik S. Korsholm, International Arktisk Hub-ip siulersuisuini siulittaasoq, usn@dmi.dk, aqqutigalugu attaveqarfigineqarsinnaavoq, imaluunniit Ilisimatusarnermut Avatangiisinullu Naalakkersuisoqarfimmi pisortaaneq Mette Skarregaard Pedersen oq.: 346476/529844 imaluunniit e-mail: mesp@nanoq.gl.