Aasianni COVID-19 imik tunillatsissimasoq nutaaq paasineqartoq

Ualisoq oktoberip 21-iani Covid-19 mik tunillatsissimasoq Aasianni paasineqarpoq. Nunatsinnut tikinnermiit ullut tallimassaani misissorteqqinnermi tamanna paasineqarpoq.

 

Pineqartoq ilisimatinneqareerpoq. Nunatta Nakorsaaneqarfia politiit suleqatigalugit iliuusissat pisariaqartut aallartisarnissaat eqqarsaatigalugit suliaq maannakkut sukumiinerusumik misissorpaat.

 

Piffissami qaninnermi nunatsinni COVID-19 pillugu inissisimaneq paasissutissiissutigineqarumaarpoq.

 

Saaffissaq: Nunatta Nakorsaanera Henrik L. Hansen oqarasuaat angallattagaq 55 35 61 imal. email henh@nanoq.gl