Tuttunniarneq aamma umimmanniarneq piniarfinni aalajangersimasuni 15. oktobarimiit 2020-mi unitsinneqartoq

APNN-miit matumuuna inussiarnersumik nalunaarutigineqarpoq piniarfinni Nuussuarmi, Naternami, Qassit-mi aamma Neriami kiisalu Nunatta Kujataani Piniarfik 11-mi inuussutissarsiutigalugu tuttunniarneq unnuap qeqqanut 15. oktober 2020-mi matusoq. Piniarfinni pineqartuni sunngiffimmi tuttunniarneq 30. septembari-mi 2020-mili matuvoq.

 

Piniarfinni Sisimiut-Kangerlussuaq-mi, Akia-Maniitsoq-mi, Ameralik-mi aamma Qeqertarsuatsiaat-ni sunngiffimmi tuttunniarneq 31. oktobari ilanngullugu ingerlassaaq. Piniarfinni pineqartuni inuussutissarsiutigalugu tuttunniarneq 31. decembari ilanngullugu ingerlassaaq.

Piniarfinni Sigguk-mi, Naternaq-mi, Sisimiut-ni aamma Kangerlussuup eqqaani piniarfik Maniitsoq-mi inuussutissarsiutigalugu aamma sunngiffimmi umimmanniarneq 15. oktobarimi 2020-mi aamma matuvoq.

 

Tuttunniarnermiit aamma umimmanniarnermiit akuersissutit pisanik nalunaaruteqarnertalimmik Kommunini Sullissivinnut piniarnermut piffissaliussap naaneraniit kingusinnerpaamik ullut 14-it qaangiutinnagit utertinneqarnissaat inatsimmi tunngavilimmik piumasaqaataavoq – akuersissutit pisaqarsimanngikkaluaraanniluunniit aamma utertinneqartussaapput.

 

 

 

 

Sukumiinerusumik paasisaqarusukkaanni immikkoortortaqarfimmi pisortaq Amalie Jessen attavigiuk, oqarasuaat 34 53 06, e-mail: amalie@nanoq.gl