Namminersorlutik Oqartussat, kommunit aamma Teknisk Landsforbund-ip akunnerminni isumaqatigiissutaat maanna atsiorneqarsimalerpoq

Isumaqatigiissut augustimi ulluni sisamani isumaqatigiinniutigineqarpoq maannakkullu kattuffiup ilaasortaanit Namminersorlutillu Oqartussanit akuersissutigineqarsimalerpoq.  Akissarsiatigut atugassarititat isumaqatigiissutikkut ataatsimut 5,2 %-it missaannik pitsanngoriaateqarput, taamalu ukioq manna isumaqatigiissuteqarsimasut eqqarsaatigalugit isumaqatigiissuteqarfiusut allat tamarmik assigineqalerput.  Isumaqatigiissut 31. marts 2024 tikillugu atuutissaaq. Ilaatigut sulisut sulisoriinnarnissaasa sulisussarsiortarnerullu qitiutinnerisigut ilaatigut akissarsiat pisissutaasinnaasut amerlineqarnissaat, tassunga ilanngullugit sulinngiffeqarneruneq, erninermut atatillugu sulinngiffeqarnermi tamakkiisumik akissarsiaqarneq kiisalu allaffissornikkut pisariillisaaneq isumaqatigiissut aqqutigalugu qulakkeerneqarput.

 

Paasissutissat sukumiinerusut piniarneqarpata isumaqatigiinniarnermut pisortaq Frederik Schmidt mailimut fsch@nanoq.gl imaluunniit isumaqatigiinniarnermut siulersuisoq Michael Würtz miwu@nanoq.gl attavigineqassapput.