Inuussutissarsiutigalugu piniarsinnaanermut allagartaq www.sullissivik.gl-ikkut toqqaannaq akilerneqarsinnaanngorpoq

Aalisarnermut, Piniarnermut Nunalerinermullu Naalakkersuisoqarfiup nuannaarutigalugu nalunaarutigissavaa maanna aamma inuussutissarsiutigaluigu piniarsinnaanermut allagartaq qarasaasiakkut imminut sullilluni www.sullissivik.gl-ikkut toqqaannaq akilerneqarsinnaanngormat.

 

Soorlu sunngiffimmi piniarsinnaanermut allagartaq www.sullissivik.gl-imut iserluni Nem-id atorlugu akilerneqarsinnaasoq, maanna aamma inuussutissarsiutigalugu piniarsinnaanermut allagartaq akilerneqarsinnaalerpoq, taamaalilluni piniarsinnaanermut allagartaq inniminnerneqarsinnaavoq, akilerlugu aammalu anisillugu naqinneqarsinnaalluni. Piniarsinnaanermut allagartami takuneqarsinnaassaaq akilerneqarsimasoq. Taamatuttaaq aamma piniarsinnaanermut allagartat girokort-i netbank atorlugu imaluunniit allakkerisarfikkut akiliisimaguit takuneqarsinnaassalluni.

 

 

 

 

Erseqqinnerusumik paasisaqarusukkuit immikkoortortaqarfimmi pisortaq Amalie Jessen, Aalisarnermut, Piniarnermut Nunalerinermullu Naalakkersuisoqarfimmut attavigiuk, oqarasuaat: tlf.: 34 53 04, e-mail AMALIE@nanoq.gl