Nutsat misunnerani qarsorserneranilu navianaataasinnaasut

Peqqissutsimut Naalakkersuisoqarfik ilisimatinneqarsimavoq meeqqat inuusuttuaqqallu ukiukillutik nutsatik misuttarsimagaat qarsorsertarsimagaallu. Tamanna pissutigalugu Peqqissutsimut Naalakkersuisoqarfik nutsat misunnerini qarsorserneranilu navianarsinnaasutpillugit ilisimatitsiniarpoq.

Nutsanut misuutit amerlanerpaartaat navianarsinnaasunik akuutissaqarput, akuutissat tamakku sapigaqalernissamut aamma kræfteqalernissamik kinguneqartitsisinnaapput. Misuutit ilaat taamatuttaaq hormonit sunniuteqarnerannut akornutaalersitsisinnaasutut pasineqarput. Tassa qalipaatinik atajuartussanik imalunniit atajuarneq ajortunik atuineq peqqinnissakkut ajoqutaaratarsinnaapput. Nutsanut misuutit tunngavigalugit sapigaqalerneq inuuneq tamaat atugarineqartarpoq ajorsigaluttuinnarsinnaallunilu, ajornerpaaffissaanilu nutsat misoqattaarnerisigut, inuunermik navianartorsiortitsisinnaallutik. Nutsanik qarsorsaaneq aamma kingunerisinnaavaa niaqqup naqqata amia aserorneranik.

Peqqissutsimut Naalakkersuisoqarfiup nalilerpaa peqqinnissakkut ajoqutit ima navianartigisut, kikkut tamarmik nutsat misunnerani qarsorneranilu kingunipiluusinnaasut ilisimasariaqaraat.

EU-mi isumaqatigiissutigineqarpoq nutsanut misuutit sapigaqalersitsinissamut akuutissallit inunnut 16-it ataallugit ukiulinnut nutsat misunnissaanut mianersoqquteqassasoq. Meeqqat inuuusuttuaqqallu atuinerup kinguneranik inuunermi sinneranut sapigaqalernissaannut illersorniarlugit mianersoqquteqalernikuuvoq.

Tamanna tunngavigalugu Peqqissutsimut Naalakkersuisoqarfik kaammattuissaaq nutsanut misuutit atornissaanut tunuarsimaartoqarnissaanik, minnerunngitsumik meeqqanut.

Paasisaqarnerorusukkuit Peqqissutsimut Siunnersorti Mona Koch Madsen attavigisinnaavat oqarasuaat +299 346619 imaluunniit mokm@nanoq.gl aqqutigalugit.