Inuup qanittumi tunillatsissimasup qanigisaa Covid-19-imik tunillatsissimasoq nutaaq

Ullumikkut COVID-19-imik tunillatsissimasoq nutaaq saqqummerpoq. Tunillatsissimasoq ippassaq pisumut attuumassuteqarpoq. Tamanna naatsorsuutigineqarsimavoq qanigisat akornanni tunillaassuuttoqartarnissaa ilimanarluinnarmat.

Inuit pineqartut ilisimatinneqareerput mattusimatinneqarlutillu. Taakku nutaat tunillatsissimasut marluk aqunneqarsinnaanngitsumik tunillaassuutsitsilernissaat ilimagineqanngilaq. Kisianni pisortaqarfinninngaaniit peqqissutsimik suliaqartut siunnersuutaat tamanit maleruaqquneqarput.
- Qanillinaveersaarit
- Assammiinaveersaarit eqitaarinaveersaarlutillu
- Assannut quersornaveersaarit
- Assatit asakulakkit
- Napparsimaguit angerlarsimaannarit ersiuteqaruillu COVID-19-eqarnerlutit misissortigit