Sisimiut eqqaanni assagiarsunniartoqaqqilissaaq

Aqutsiveqarfimmi Sisimiuni tallimanngorpat oktobarip 2-annit 2020-mi assagiarsunniartoqaqqilissaaq, assagiarsuttassiissutit nungunnissaasa tungaannut aalisartoqarsinnaalluni assagiarsunniarfiulluunniit killissaanut decembarip 31-annut 2020-mi.

Aqutsiveqarfimmi assagiarsunniarneq aasaq unitsinneqarallarpoq assagiarsuit aqitsunik qalerualeqalermata.

Aalisarnermut, Piniarnermut Nunalerinermullu Naalakkersuisoqarfik Pinngortitaleriffik, KNAPK aalisarnermillu inuussutissarsiuteqartut suleqatigalugit aqutsiveqarfimmi misileraallutik aalisarnerisa takutippaat assagiarsuit pitsaasuusut, taamaalilluni tamaani assagiarsunniartoqaqqilersinnaalluni.

Aqutsiveqarfimmut assagiassartassiissutinit 500 tonsiusunit 218 tonsit sinnerupput.

Attavigineqarsinnaavoq Aalisarnermut, Piniarnermut Nunalerinermullu Naalakkersuisoqarfimmi CC, Katrine Kjærgaard. E-mail: katk@nanoq.gl