Nuummiit Paamiunut assagiarsunniartoqaqqilissaaq

Aqutsiveqarfimmi Nuuk-Paamiut septembarip 25-anni 2020-mi assagiarsunniartoqaqqilissaaq, assagiarsuttassiissutit nungunnissaasa tungaannut aalisartoqarsinnaalluni assagiarsunniarfiulluunniit killissaanut decembarip 31-annut 2020-mi.

Aqutsiveqarfimmi assagiarsunniarneq aasaq unitsinneqarallarpoq assagiarsuit aqitsunik qalerualeqalermata.

Aalisarnermut, Piniarnermut Nunalerinermullu Naalakkersuisoqarfik Pinngortitaleriffik, KNAPK aalisarnermillu inuussutissarsiuteqartut suleqatigalugit aqutsiveqarfimmi misileraallutik aalisarnerisa takutippaat assagiarsuit pitsaasuusut, taamaalilluni tamaani assagiarsunniartoqaqqilersinnaavoq.

Aqutsiveqarfimmut assagiassartassiissutinit 1.200 tonsiusunit 503 tonsit sinnerupput.

Attavigineqarsinnaavoq Aalisarnermut, Piniarnermut Nunalerinermullu Naalakkersuisoqarfimmi AC-fuldmægtig, John Billmann. E-mail: johb@nanoq.gl