Atsiornerit tiguneqarput

Peqqissutsimut Naalakkersuisoq Anna Wangenheim napparsimasut oqaaseqartartuannik pilersitsiniarnermut atsiornernik katersuisimanerit tiguai.

Atsiornernik katersuineq Naalakkersuisuusimasumit Suka K. Frederiksen-imit sivisuumik napparsimareerluni, juli 2020-mi toqukkut qimaguttumit aallarnerneqarpoq. Tunniussineq ilaqutaasunit ukuusunit najuuffigineqarpoq: Uia Sofus Frederiksen, pania Katti Frederiksen aamma ernera Ingo Frederiksen. Taassuma saniatigut Ilaqutariinnermut Peqqissutsimillu Ataatsimiititaliaq sinnerlugu Mikivsuk Thomassen peqataavoq.

Peqqissutsimut Naalakkersuisoq Anna Wangenheim imatut oqaaseqarpoq:

”Junimi Suka K. Frederiksen-imit saaffigineqarpunga atsiornernik politikkikkut oqartussaasunut tunniussinissamik kissaateqarluni. Saaffiginneqqammerneratalu kingunitsianngua qimagunnera tunngavigalugu atsiornernik tunniussinissani angumerinngitsoorpaa.”

Nangipporlu:

” Nalunngilara Suka napparsimasut pitsaasumik atugaqarnissaat annertuumik sulissuteqarfigisimagaa, anguniagaq tamanna ataatsimoorussaraarput. Taamaattumik nuannaarutigaara ilaqutaasut aamma Ilaqutariinnermut Peqqissutsimullu Ataatsimiititaliaq tunniussinermi peqataasinnaammata.”

Atsiornernik tigusinermi Peqqissutsimut Naalakkersuisoq Anna Wangenheim oqariartuutit tusaatissatut tiguai. Neriorsuutigaalu oqariartuutit siusinaartumillu iliuuseqarneq annertuumik pingaartinneqarneratigut, napparsimasut pitsaanerusumik atugaqarnissaanut suliaqarnermi ilaajumaartut.


Paasisaqarnerorusukkuit naalakkersuisup allattaa Frederik Siegstad oqarasuaat. 23 39 93, e-mail: frsg@nanoq.gl attavigineqarsinnaavoq.