Katuami Nunat Avannarliit Killiit Ulluat

Pingasunngornermi septembarip 23-ani 2020 Nunat Avannarliit Killiit Ulluat Nuummi malunnartinneqassaaq. Ukioq manna programmi tamanit peqataaffigineqarsinnaavoq qarasaasiakkullu toqqaannartumik malinnaasoqarsinnaassalluni.

NAPA Katuaq peqatigalugu Nunat Avannarliit Killiit Ulluata malunnartinneqarnissaanut aaqqissuisuupput sammineqassappullu oqaatsit, kinaassuseq kulturilu. Eqqumiitsuliortunit immikkut piginnaasalinnit inuusuttunit peqataasoqassaaq. Pisussaq NAPA-p Facebookikkut qupperneratigut toqqaannartumik malinnaavigineqarsinnaassaaq.

Saniatigut Namminersorlutik Oqartussat ulloq malunnartinniarlugu Nunat Avannarliit Killiit erfalasuinik erfalasuliissapput.

Nunat Avannarliit Killiit Ulluata tunngavia:
”Savalimmiut, Kalaallit Nunaata Islandillu akornanni kulturikkut suleqatigiinnissamut isumaqatigiissut” 1. november 2017-imeersoq naapertorlugu nunani tamani ”Nunat Avannarliit Killiit Ulluat ukiut tamaasa ingerlanneqartalissaaq. ”Nunat Avannarliit Killiit Ulluat” tassaavoq ukialeqqaarfik Nunani Avannarlerni Killerni oqaluttuarisaanerup kulturillu malunnartinneqarnissaat pillugit toqqarneqarsimavoq, tassunga ilanngullugu nunat akornanni suleqatigiinnerup annertusarnissaa ataatsimooqatigiittutullu misiginissaq.

”Nunat Avannarliit Killiit Ulluat” Nunani Avannarlerni Killerni Siunnersuisoqatigiit kaammattuutaannit nr. 4/2008-meersumit kingornatigullu aaqqissuunneqarsimasumit aallaaveqarpoq.

Nunat Avannarliit Killiit Ulluat pillugu uani atuarsinnaavutit
Assit, programmi il.il. uani aasinnaavatit:
https://www.dropbox.com/sh/zjdcgn14fuxypdt/AACdU-Ki8Rns1mKkJKUCTVnla?dl=0

Attavigisinnaasat
NAPA-mi pisortaq Anne Mette Gangsøy, 363661
NAPA-mi attaveqaqatigiinnermik suliaqartoq Per Bloch 363662
Specialkonsulenti Pia Lynge 345706, Kultureqarnermut Naalakkersuisoqarfik