Qeqertarsuup Tunuani sinerissap qanittuani umiatsiaaqqamik qaleralinniarneq matuneqassaaq ulloq 23.09.2020

Kalaallit Nunaanni Aalisarsinnaanermut Akuersissutinik Nakkutilliisoqarfik matumuuna nalunaaruteqarpoq, aqutsiveqarfimmi Qeqertarsuup Tunuani sinerissap qanittuani umiatsiaaqqanut septemberimi qaleralittassiissutit nungunneqalermata aalisarneq matuneqassasoq ulloq 23.09.2020.

Matusinermi aqutsiveqarfimmi Qeqertarsuup Tunuani akuersissutit 47-JK-mik naaneqartut kisimik eqqorneqassapput.

Taamaattumik pingasunngorneq ulloq 23. september 2020 nal. 23.59 aamma tunitsiviussaaq kingulleq ullorlu taanna aalisaatit tamarmik qaqinneqariissapput.

Aalisarneq ammaqqinneqassaaq ulloq 1. oktober.

Annertunerusumik paasisaqarusukkuit attavigiuk Kalaallit Nunaanni Aalisarsinnaanermut Akuersissutinik Nakkutilliisoqarfik oqarasuaat 34 50 00 imaluunniit e-mail gflk@nanoq.gl