Jess Svane-p Inuussuttunut Uumasut Assigiinngissitaarneri pillugit Sammisaqartitsinerup ammarneqarneranut oqalugiaataa

Suliffeqarnermut, Ilisimatusarnermut Avatangiisinullu Naalakkersuisoq Jess Svane unnummut – uumassusillit assigiinngissitaarnerinik inuusuttut illersuisut suleqatigalugit – inuussuttunut Uumassusillit assigiinngissitaarneri pillugit isumasioqatigiissitsivoq.

Tamatumunnga atatillugu Naalakkersuisoq Jess Svane tikilluaqqusilluni oqalugiarpoq. Jess Svane-p ilaatigut erseqqisaatigaa, nunatsinni ineriartornermik pilersitsinissamik Naalakkersuisut suliaqartut, kisiannili nungusaataanngitsumik atuinissaq avatangiisinilu pitsaasumik pissusilersornissaq ineriartornermi tassani aallaavittut pingaaruteqarluinnartutut inissisimasussaasut.

Oqalugiaat tamakkiisoq uani atuarneqarsinnaavoq. Oqaatigineqartut atuuttussaapput.

Inuusuttunut uumassusillit assigiinngissitaarneri pillugit isumasioqatigiissitsineq Nunat Avannarliit Suleqatigiinneranni uumassusillit assigiinngissitaarneri pillugit nunarsuarmi anguniagassat nutaat aalajangersarneqarnerini inuusuttut akuutinneqarnissaannut Kalaallit Nunaata ilassutigaa.

Naalakkersuisup Jess Svane-p inuusuttut isumasioqatigiissitsinermi tunniusimanerat naleqarluartunillu immersuinerat pillugu qutsavigerusuppai.

Annertunerusumik paasisaqarusunnermi Naalakkersuisoqarfimmi pisortaaneq Mette Skarregaard Pedersen, oqarasuaat: 346469-imut imaluunniit e-mail: mesp@nanoq.gl aqqutigalugu attaveqarfigineqassaaq.