Sinerissap qanittuani saattuarniarneq: Aqutsiveqarfik Qeqertarsuup Tunua - Uummannaq matuneqassaaq

Kalaallit Nunaanni Aalisarsinnaanermut Akuersissutinik Nakkutilliisoqarfik matumuuna nalunaaruteqarpoq aqutsiveqarfimmi Qeqertarsuup Tunua - Uummannami saattuarniarneq matuneqassammat ulloq 20.09.2020, pisassiissutit 525 tonsit nungunneqarmata.

Taamaattumik sapaat ulloq 20. september 2020 nal. 23.59 aamma tunitsiviussaaq ulloq kingulleq. Ilanngullugu ulloq taanna pullatit tamarmik qaqinneqariissapput.

Annertunerusumik paasisaqarusukkuit attavigiuk Kalaallit Nunaanni Aalisarsinnaanermut Akuersissutinik Nakkutilliisoqarfik oqarasuaat 34 50 00 imaluunniit e-mail gflk@nanoq.gl