Sermitsiaq.AG-mut oqaaseqaat

Sermitsiaq. AG-mi nittartakkakkut ilanngutassiaq sisamanngorneq 10. september 2020 allaaserineqartoq ” Politikkerit nuimasut akileraartartut aningaasaataannik umiatsiaaqqanit pisut” pillugit Aalisarnermut Piniarnermut Nunalerinermullu Naalakkersuisoqarfimmit imatut oqaaseqarfigineqarput.

Tapiisarnermut tunngasut allaaserineqarnerinut tunngatillugu, siullermik erseqqissaatigineqassaaq, tapissarnermut qinnuteqaatit allaffisornikkut suliarineqarlutillu aalajagiiffigineqartarmata politikkikkut akuleruffigineqanngitsumik. Angallatitaarniarnermut qinnuteqaatip suliarinera, taperneqarnissamullu neriorsuinertaa, naalakkersuisoqarfimmi allaffisornerkut sulisunit suliarineqartarpoq, Inatsisartut inatsisaat nr. 15, 20. november, 2006-meersumi, kigusinnersukkullu allannguuteqartumi, malitassat piumasaqaatillu tunngavigalugit suliarneqartarluni. Inatsisip § 2-ani allassimavoq, ”Naalakkersuisut sinerissami qanittumi aalisariutit teknikkikkut pisoqaassutsikkullu ajorsiartornerat malillugu ingerlaavartumik taarsersornerannut nutarternerannullu tapiissuteqarsinnaapput.”

Inatsit innutaasunut kikkunnulluunniit atuuppoq, qinnuteqartullu kikkuungaluartut piumasaqaatinik naammassinnissimasut periarfissaqarput tapiissutinik pinissaminnut. Ukiumut tapiissutissatut aningaasat atugassiissutigineqartut Inatsisartunit aalajagiiffigineqartarput, aningaasanut inatsimmut suliaqarnerminni. Tamannalu takuneqarsinnaavoq konto-mi pingaarnermi 50.06.50 aalisarnermut aningaasaliissutinut immikkoortitat (tapiissutitut aningasalissutit)
Ataani nalunaarsuummi takuneqarsinnaapput angallatinik aammalu aserorterisarnermut tapiissutinik qinnuteqartut piffissamik 2016-2019-imut qinnuteqartut allattorsimaneri.

Angallatinik taperneqarnissamik qinnuteqartut   2016 2017
2018
2019
Itigartitat
 2  1  0  2
Taamaatiinnakkat
 0  4  1  5
Neqeroorfigineqartut/akuerisaasut  13  5  6 13
Katillugit
 15  10  7  20
         
Aserorterisittinissamut taperneqarnissamik qinnuteqartut 
       
Itigartitat
 1  4  1  3
Taamaatiinnakkat
 0  1  0  2
Neqeroorfigineqartut/akuerisaasut   4  11  6  13
Katillugit
 5  16 7  16

Aserorterisitsinisamut qinnuteqartut suliarineqarnerinut atatillugu Naalakkersuisut aserortirisitinissamut ataatsimiititaliamik pilersitsinikuupput, taakkualu KNAPK, GE aamma Aalisarnermut Piniarnermut Nunalerinermullu Naalakkersuisoqarfimmiit inuttalerneqarnikuupput, qinnuteqaatinik aaliangiisartussat.

Annertunerusumik paasisaqarusukkaanni, attavigineqarsinnaavoq apnn@nanoq.gl

Aalisarnermut Piniarnermut Nunalerinermullu Naalakkersuisoqarfik