Qaanaami sapusiap atoqqaarfissiorneqarnera


Qaanaap oqaluttuarisaanerani umiarsualiveqarfimmi sanaartugaq siulleq 7. september 2020-mi atoqqaarfissiorneqarpoq. Tassani sapusiaq suliarineqarpoq.

Naalakkersuisoq Karl Frederik Danielsen oqarpoq: ”Qaanaami sapusiap nutaap sanaartorneqarneranut atatillugu innuttaasut pilersaarutinut akuutinneqarnissaat Naalakkersuisunit pingaartinneqartorujussuusimavoq. Tassalu innuttaasut isummersuutaat sapusiap inissiffissaanut isikkussaanullu pingaaruteqarsimapput.

Naalakkersuisuniit najukkami ataatsimiititaliaq aamma najukkami piniartut peqatigiiffiat suliap piviusunngortinniarneqarnerani annertuumik sulisimasut tapertaasimasullu qutsavigiumavagut.

Sapusiaq tamanut, aammalu illoqarfimmi umiatsiat sikumut illersorneqarnissaannut iluaqutaassasoq Naalakkersuisut neriuutigaat. Tamatuma saniatigut sapusiaq aamma Royal Arctic Line-p Qaanaamik sullissineranut iluaqutaasussaavoq.

Uanga nammineerlunga atoqqaarfissiortitsinermut peqataasinnaasimanngilanga, kisiannili uanga Naalakkersuisoqarfinniit Qaanaamut aallartitaqarpugut, taannalu sinnerlunga oqalugiarpoq.”


Oqalugiaat ilaliussatut ilanngunneqarpoq.

Aamma Naalakkersuisoq Karl Frederik Danielsen oqarpoq: ”Taamatuttaaq Qaanaamut aningaasaliissutit qulakkeerneqarnissaat Naalakkersuisut pingaartissimavaat. Tassalu sapusiornermi illoqarfik sanaartukkamik nutaamik, illoqarfimmi innuttaasunut inuussutissarsiornermullu annertuumik iluaqutaasussamik peqalerpoq. Taamaattumik Qaanaami innuttaasut tamaasa sanaartukkamik nutaamik peqalerneranni pilluaqqungaarpakka.”

Annertunerusumik paasisaqarusunnermi naalakkersuisup allattaa Inuk Kielsen Fleischer ikie@nanoq.gl aqqutigalugu attaveqarfigineqassaaq.

Ilanngussaq: Oqalugiaat