Eqqumiitsuliortut Namminersorlutik Oqartussat Kulturimut aningaasaliissutaannut qinnuteqarnikut qinnuteqaqqeqquneqarput

Namminersorlutik Oqartussat Kulturimut aningaasaliissutaannut qinnuteqaatit ilai, tassani Filmiliornermut, Kulturimik sulialinnut aningaasaliissutit (arbejdslegatit), Atuakkanik kalaallisuunik saqqummersitsinernut kulturimullu aningaasaliissutaannut, septemberip aallaqqaataanut killillit, ajoraluartumik Naalakkersuisoqarfimmit ammarneqarsinnaanngillat, qinnuteqartarfimmi Sullissivimmi teknikkikkut ajutoorneq peqqutigalugu. Tassani pineqarput NemID atorlugu qinnuteqaatit. Qinnuteqaatit NemID atornagu e-mailikkut nassiussat Naalakkersuisoqarfimmit tiguneqarput.

Taamaattumik Ilinniartitaanermut, Kultureqarnermut Ilageeqarnermullu Naalakkersuisoqarfiup innersuussutigaa, eqqumiitsuliortut NemID atorlugu Sullissivikkut qinnuteqartut, immersugassaq nutaaq atorlugu Naalakkersuisoqarfiup e-mailianut ikin@nanoq.gl –imut nassiusseqqullugit.

Naalakkersuisoqarfiup persaqqusersuutaasinnaasut ajuusaarutigai ajornartorsiullu aaqqinniarlugu sulissuteqarluni.

Qinnuteqariaaseq pillugu, sullissisut ataani allassimasut, attavigineqarsinnaapput:

Uiloq Mathæussen
Toqq/direkte 34 57 41
uilm@nanoq.gl

Mika Lyberth
Toqq. 34 57 44
mlyb@nanoq.gl