Narsaq aalisartunut tunitsiveqartitsilluartoq

Narsami aalisartut tunitsivinnut marlunnut tunitsiveqarput, aappaa tassaalluni Royal Greenland aamma ingerlatsivik Arctic Prime Fisheries.

" Nuannaarutigivara Narsami aalisartut marlunnik tunitsiveqartitaammata. Ilanngullugu maluginiarpara tunitsiveqartitsisuusut sapinngisartik naapertorlugu aalisartunut pitsaasumik atugassaqartitsiniarmata, soorlu aamma umiatsiaarartaassappata aningaasanik attartugassanik oqilisaassillutik aaqqissuussaqatartut".


Royal Greenland aamma Arctic Prime Fisheries ulaarparfiunerata 20-nit 30-nut sulisoqartarput.

Tuniassasiorfiit Aalisarnermut, Piniarnermut Nunalerinermullu Naalakkersuisumillu pulaarneqaramik ilaatigut ilisimatitsissutigivaat aalisakkat assiginngitsut aalisartunit tunisaasarmata. Tunineqartartut pingaarnerpaat tassaapput saarulliit, qalerallit, nipisat, aamma nipisat timaat ammaassallu.

"Nuannaarutigilluinnarpara Narsarmi sinerissap qanittuani aalisartut qeeqqaanik aamma suluppaakkanik tunisisinnaatitaammata, sumiiffinnimi allani aalisartut tamarmik taama periarfissaqartitaanngillat".

Narsami aalisartut piniartullu peqatigiiffiata ilaasortai 15-it missaanniittut Aalisarnermut, Piniarnermut Nunalerinermullu Naalakkersuisumit ataatsimeeqateqarput.

" Ataatsimiinnermi aalisartut oqaatigisaat tusaassallugit pingaartippara. Aalisartut atugaat pillugit ataqqeqatigiiffiulluni paaseqatigiiffiusumik ataatsimiittoqarpoq".

Naalakkersuisoq Narsamiinnermi NeqiA/S ilaatigut pulaarpaa. Savanik toqoraaviup pisortaanit Naalakkersuisoq suliffeqarfiup siunissamut pilersaarutaanik nassuiaanneqarluni.

Pisortamit pissanganartumik nutaarsiassamik ilaatigut oqaluttuunneqarpunga, soorlu neqinik assigiinngitsunik sapaatip akunnerata ataatsip ingerlanerani iganeqarsinnaasunik tunisassiussallutik ilaatigut ilisimatinneqarlunga.

Aalisarnermut, Piniarnermut Nunalerinermullu Naalakkersuisoq, Jens Immanuelsen, ullumi Qaqortumiippoq.

Attavigineqarsinnaavoq Aalisarnermut, Piniarnermut Nunalerinermullu Naalakkersuisoqarfimmi pisortaaneq, Jørgen Isak Olsen. E-mail: jio@nanoq.gl