Naalakkersuisup Nunanut Allanut Ministerip aamma Nunanut Allanut Sillimaniarnermullu Ataatsimiitsitaliap ataatsimeeqatigiittarneri

Naalakkersuisup Steen Lyngep pingaartippaa nunanut allanut sillimaniarnermullu politikkimut tunngasut pillugit nunatta Danmarkillu akornanni ataatsimiittoqartarnissaa. Ataatsimiinnerillu pisinnaagaanata ingerlattarnissaat pingaaruteqarpoq.

Naalakkersuisoq Steen Lynge isumaqataavoq qaammatisiutit immersornerat peqataasussanut tamanut eqquutsinnissaat ajornakusoornarsinnaasoq. Kiisalu Inatsisartut Ataatsimiitsitaliaat piffissaq eqqortoq atorlugu suliassatik pilersaarusiortaraat paasinarluni. Aamma paasinarpoq ataatsimiittoqarsinnaaneq pillugu paasissutissiinissaq pisinnaanngoraangat paasissutissiijaartarnissarlu pingaaruteqartoq.

Naalakkersuisoq Steen Lynge oqaaseqarpoq: ”Covid-19-ertoqarnera pissutigalugu angalanissat inaarutaasumik inissinneqarnissaat ajornakusoornartarpoq. Taamaattumik Nunanut allanut Ministeri tikeraarnissaata tungaanut ullut ikitsunnguit kiserngorummata aatsaat inissivissimavoq. Tamanna pissutigalugu ajoraluartumik ataatsimiinissamut qaaqqusissut kingusissukkut nassiuttariaqarsimavara.”

Naalakkersuisoq Nunanut Allanut Ministeri, Nunanut Allanut Sillimaniarnermullu Ataatsimiitsitaliarlu Nuummi qanittumi ataatsikkut ataatsimiinissaq pillugu Naalakkersuisoq ataatsimiitsitaliarlu eqqartuerqatigiikkusuppoq.

Naalakkersuisoq Steen Lynge Nunanut Allanut Sillimaniarnermullu Ataatsimiitsitaliarlu suleqatigiilluarnertik ingerlatiinnarnissaa qilanaaraa.

Taasunga atatillugu paasisaqarusuttunut uunga saaffiginnissinnaapput Naalakkersuisumut allatsi Jens-Christian Jacobsen oqarasuaat: 56 52 54, e-mail: jech@nanoq.gl