Qeqertarsuup Tunuani Uummannamilu qaleralinniarneq aallarteqqissaaq

Qaleralinniarneq aggustip 21-anni aallarteqqissaaq.

Aalisarnermut, Piniarnermut Nunalerinermullu Naalakkersuisoqarfiup umiatsiaaqqamik qaleralinniarnermut aqutsiveqarfinni Qeqertarsuup Tunuani aamma Uummannami ukiumut pisassiissutit sinneri qaammatikkaartumik agguarneqartarnerat allanngortippaa. Silaginnerani aalisarnerullu ingerlalluarnerani aalisarneq aallarteqqinniassammat kiisalu aggustimi septembarimilu nangeqqinniassammat taamaaliortoqarpoq.

Aqutsiveqarfinni pineqartuni tamani aalisarneq aggustip 21-anni nanginneqaqqissaaq.

Qeqertarsuup Tunuani ukiumut pisassiissutinit 3.823 tonsiusunit sinneri 1.137 tonsiupput.

Uummannami ukiumut pisassiissutinit 6.362 tonsiusunit sinneri 1.722 tonsiupput.

Qaammammut pisissiissutit allanngornerisigut ukioq manna kingusinnerusukkut aalisarnerup matunissaa ilimagineqarsinnaammat erseqqissarneqassaaq, tamatumunngalu novembarimut decembarimullu pisassiissutit sinneqalaarnissaat pissutaavoq. 

 

Allannguuteqarnikkut pisassiissutit ukiup ingerlanerani amerlineqarnianngillat.

 

 

 

Paasissutissat maani eqqaaneqanngitsut pillugit paasisaqarnerorusukkuit Aalisarnermut, Piniarnermut Nunalerinermullu Naalakkersuisoqarfimmut saaffiginnissinnaavutit, apnn@nanoq.gl.

 

Paasisaqarnerorusukkuit Jørgen Isak Olsen, Naalakkersuisoqarfimmi pisortaq, Aalisarnermut, Piniarnermut Nunalerinermullu Naalakkersuisoqarfik, attavigiuk, e-mail: jio@nanoq.gl