Peqqinnissaqarfimmi qullersaq nutaaq nassaarineqarpoq

Siornatigut aqutsisoqarfimmi pisortaasimasoq Jóanis Erik Køtlum peqqinnissaqarfimmi aqutsisunngussaaq.

Aqutsisutut coronap inuiaqatigiinnut ajornartorsiortitsinerata nalaani peqqinnissaqarfik  aqussavaa, kulturi suleriaaserlu napparsimasoq salliunneqarlunilu peqataatinneqarnissaa nukittorsarlugu inerisarnissaaqulakkeertussaallugu.Jóanis Erik Cand. Merc.-itut Københavnimi CBS-imit ilinniagaqartuuvoq. Peqqinnissaqarfimmi – napparsimaviillu allaffissornerani atorfeqarnermini suliaqarsimavoq, aqutsisutullu aamma ilinniaqqissimalluni, pingaartumik suliniutinik  aqutsisutut aamma peqqinnissaqarfimmi qarasaasiaq atorlugu tapertaasumik ingerlatsinermik suliaqartarsimalluni. Jóanis Erik Køtlum aqutsisoqarfimmi aqutsisutut 2013-2016-mut atorfeqarpoq, ukiunilu kingullermi namminersortutut siunnersortitut peqqinnissaqarfimmi suliaqartarsimalluni.

”Unamminartuni angisuuni peqqinnissaqarfiullu iluani ineriartornermi suliassat pissanganartut tunngavigalugit annertuumik naammagisimaarnarpoq Jóanis Erik-tulli, suliaminut piginnaaneqarnerup saniatigut Kalaallit Nunaannut innuttaanullu nuannarisalimmik, pikkorissumik atorfinitsitsisinnaagatta”, taama oqarpoq Naalakkersuisoqarfimmi pisortaq Tine Pars.

 

Jóanis Erik Køtlum Savalimmiormiuuvoq, katissimasoq pingasunillu meeraqarluni.

 

Paasisaqarnerorusukkuit naalakkersuisoqarfimmi pisortaq Tine Pars, email tine@nanoq.gl imaluunniit oqarasuaat +299 34 66 25 aqqutigalugit attavigineqarsinnaavoq.