Paasititsiniaanermi nutaami errorsinermut qaqorsaatinik kingunerutinillu atuinerput siunnerfigineqarpoq

Errorsiffissanngortillugu qanoq iliornissaq eqqarsaatigissallugu tunngavissaqarluarpoq. Ilisimatusarnermut Avatangiisinullu Naalakkersuisoqarfiup maanna paasititsiniaaneq, tamatta errorsissutinik avatangiisit pillugit nalunaaqutsikkanik atuinissatsinnut, aammalu kingunerutinik atuinaveersaarnissatsinnut kaammattuiffiusoq aallartittussanngorpaa. 

”Tamatta imartatsinni avatangiisit eqqiluinnissaannut akisussaaqataavugut. Naalakkersuisut paasititsiniaaneq aqqutigalugu avatangiisinut peqqissutsimullu isumannaatsumik qanoq iliorluta ajornaatsumik atisanik errorsisinnaanersugut takutinniarpaat”, Suliffeqarnermut, Ilisimatusarnermut Avatangiisinullu Naalakkersuisoq Jess Svane oqarpoq.

Kalaallit Nunaanni imeq errortuutikoq imaanut kuutsinneqannginnermini akuutissanik kemiskiusunik akuiarlugu salinneqarneq ajorpoq. Taamaattumik inuit ataasiakkaat errorsinermut qaqorsaatinik kingunerutinillu sunik toqqaasarnerat isumaqartorujussuuvoq. 

Errorsissutit avatangiisit pillugit nalunaaqutsikkat atornissaat toqqarneqarpata, akuutissat kemiskiusut, arlallit pinngitsoorneqarsinnaapput. Kingunerut iluaqutaasumik pinngitsuuinneqarsinnaavoq.

Errorsinermut qaqorsaatit kingunerutillu pillugit ilanngutassiaq sapaatit akunnerini 32-miit 39-mut KNR TV-kkut takutinneqartassaaq. 

Pinngortitap Paarsisui pillugit www.inua.gl alakkarlugu annertunerusumik atuagaqarsinnaavutit.

Annertunerusumik paasisaqarusunnermi attaveqarfissaq:

Ilisimatusarnermut Avatangiisinullu Naalakkersuisoqarfimmi immikkoortortamut pisortaq Paninnguaq Kristiansen, tlf. 345416 imaluunniit e-mail: pan@nanoq.gl.