Imermik sermimillu atuisinnaatitaanissamut qinnuteqarfissap kinguartinneqarnera

COVID-19 -ip kingunerisaanik sermimik aamma imermik aningaasarsiutigalugu atuisinnaanissamut neqeroortitsinerup aappaata qinnuteqarfissaa kinguartinneqarpoq

Pissutsit COVID 19-imik tunngavillit pissutigalugit qinnuteqartussallu qinnuteqaammik suliaqarnissamut periarfissaqartikkumallugit, Kalaallit Nunaanni sermimik aamma imermik iluanaaruteqarluni atuisinnaanissamut akuersissuteqarnissamik massakkut neqeroortitsinermut ingerlanneqartumut qinnuteqarnissamut killissarititaasoq kinguartinneqarpoq. 

Ulloq manna tikillugu 1. september 2020 qinnuteqaatinik tunniussivissaq killissarititaavoq. Killissarititaasorlu kinguartinneqarpoq ulloq 31. december 2020, nal. 23:59-imut. 

Neqeroortitsinermut paasissutissat www.big.gl -imi takuneqarsinnaapput. 

Annertunerusunik paasisaqarumagaanni Inuussutissariornermut, Suliffeqarnermullu Naalakkersuisoqarfik attavigineqarsinnaavoq ugguuna e-mail isiin@nanoq.gl.