Naalakkersuisoq Ane Lone Bagger tunuarpoq

Ilinniartitaanermut, Kultureqarnermut, Ilageeqarnermut Naalakkersuisoq Ane Lone Bagger nammineq kissaateqarnermigut Naalakkersuisuunerminit tunuarpoq.

Ane Lone Baggerip tunuarniuteqarnermini peqqinnissani ilaquttamilu salliutinnissaat tunngavilersuutigai:

Tunuarnissamik aalajangerniarnera oqimaassimaqaaq, taamaattorli peqqinnissara ilaquttakkalu salliutinniarlugit aalajangerpunga,” Ane Lone Bagger oqarpoq nangillunilu:

Naalakkersuisutut ivertinneqarninnut tatigineqarnera qujassutigerusuppara politikikkullu suleqatigisimasakka aamma qujaffigerusuppakka. Minnerunngitsumik sulisut suleqatigisimasakka tamarluinnaasa qamannga pisumik qutsavigerusuppakka.” 

Ane Lone Bagger 2018-imi oktobarip tallimaaniit 31. juli 2020 ilanngullugu Naalakkersuisuuvoq. Naalakkersuisut siulittaasuata Kim Kielsen-ip Ane Lone Baggerip tunuarniuteqarnera tunngavilersuutigisaalu paasilluarsinnaallugit oqarpoq:

Ataqqivara Ane Lone-p peqqinnissani ilaquttanilu pillugit tunuarniuteqarluni aalajangiinera, naak naalakkersuisutut suleqatigiunnaarnissaa assut uggorigaluarlugu. Ane Lone-mut oqarusuppunga qamannga pisumik qujanaq sullissilluarsimanernut, aammalu siunissami ajunnginnerpaanik kissaappakkit.”

Ilinniartitaanermut, Kultureqarnermut, Ilageeqarnermut Naalakkersuisoqarfik Ane Lone Baggerip naalakkersuisuuffigisaa maanna Ineqarnermut Attaveqaqatigiinnermullu Naalakkersuisumit Karl Frederik Danielsen-imit akisussaaffigineqarallassapput.

Sukumiinerusumik paasisaqarusuttut attavigisinnaavaat Naalakkersuisut siulittaasuata allattaa Steve Sandgreen attavigisinnaavaat e-mailikkut allaffigalugu: stev@nanoq.gl