Uummannami sinerissap qanittuani umiatsiaaqqamik qaleralinniarneq matuneqassaaq ulloq 22. juli

Kalaallit Nunaanni Aalisarsinnaanermut Akuersissutinik Nakkutilliisoqarfik matumuuna nalunaaruteqarpoq aqutsiveqarfimmi Uummannami sinerissap qanittuani umiatsiaaqqanut qaleralittassiissutit nungunneqalermata aalisarneq matuneqassasoq ulloq 22.07.2020.
Matusinermi aqutsiveqarfimmi Uummannami akuersissutit 47-JK-mik naaneqartut kisimik eqqorneqassapput.

Taamaattumik pingasunngorneq ulloq 22. juli 2020 aamma tunitsiviussaaq kingulleq ullorlu taanna aalisaatit tamarmik qaqinneqariissapput.

Aalisarneq ammaqqinneqassaaq ulloq 1. august.

Annertunerusumik paasisaqarusukkuit attavigiuk Kalaallit Nunaanni Aalisarsinnaanermut Akuersissutinik Nakkutilliisoqarfik oqara. 34 50 00 imaluunniit email gflk@nanoq.gl