NemPost atorunnaarpoq


Pisortani Digitalimik Allakkerinerup eqqunneqarneranut atatillugu NemPosti atorunnaarpoq. Taamaammat innuttaasut NemPostimik atuisuusimasut kontuminnut isersinnaassanngillat.

Ukioq manna 2020-mi pisortani oqartussanit allakkanik digitalimik nassitsittalernissaq innuttaasunut 15-ileereersimasunut tamanut pinngitsoorani atuutilissaaq. Innuttaasut NemPostimik digitalimik aamma oqartussanut attaveqaqatigiittarfittut aqqummik isumannaatsumik atuisimanerat taarserlugu Pisortani Digitalimik Allakkerineq atorneqalissaaq.

NemPostimik atuisut 3.000-it missaanniissimapput, taakkulu Akileraartarnermut Aqutsisoqarfimmit allakkanik digitalimik nassitsittarput. Akileraartarnermut Aqutsisoqarfik innuttaasut NemPostiannut kingullermik 2020-mi januaarip qaammataani nassiussaqarpoq, taamaattumik innuttaasut allagarsiisarfianni allakkanik ammarneqanngitsunik soqanngilaq.

Pisortani Digitalimik Allakkerinerup eqqunneqarnissaanut innuttaasut piareersaleriissasut Digitalimik Sullissinermut Aqutsisoqarfiup innersuussutigaa. Tamatuma kingunerisaanik NemID-mik pissarsiniassapput e-Boks kontumillu pilersitsillutik.

Pisortani Digitalimik Allakkerineq pillugu paasissutissat allat uani atuarneqarsinnaapput: https://www.sullissivik.gl/Emner/Digital-post?sc_lang=kl-GL&mupid=Sermersooq

Annertunerusumik paasisaqarusunnermi saaffigineqarsinnaavoq suliami aqutsisoq Josefine Asta Pedersen, Digitalimik Sullissinermut Aqutsisoqarfik oqarasuaat +299 34 64 12 email jped@nanoq.gl