Juulip 22-ni 2020 USA-mi nunanut allanut ministeri Mike Pompeomik ataatsimeeqateqarnissaq

Nunanut allanut Nukissiuteqarnermullu Naalakkersuisoq Steen Lynge Nunanut allanut ministeri Jeppe Kofod taavalu nunanut allanut landsstyremedlemi Jenis av Rana amerikami nunanut allanut ministerilu Københavnimi juulip 22-ni 2020 naapissapput.

Ukiup ataasiunngitsup iluani Nunanut Allanut Naalakkersuisoq amerikamiut nunanut allanut ministeriat appassaa naapissavaa.

”Nunanut allanut ministeri Mike Pompeo naapinnissaanut qilanaarpunga. Tassunga atatillugu nunatta USA-llu suleqatigiinnerat qajannaallisimanera uppernarsaqqissinnaassavara taavalu amerikamiunut eqqaassutigeqqillugu nunatsinniinnerat nunatsinnut innuttatsinnullu iluaquteqarnissaa suli pingaartikkipput. Taamatuttaaq sanilitta angisuullu ataatsimeeqatigiinnitsinni allatigut suleqatigiinnitta alloriaqqinnissaanut periarfissaalluartoq isumaqarpunga, soorlu aningaasaqarnikkut ineriartorneq, niuerneq, ilinniartitaaneq kultureqarnerlu eqqarsaatigissagaanni”, Nunanut Allanut Nukissiuteqarnermullu Naalakkersuisoq, Steen Lynge oqarpoq.

Naalakkersuisunit suli suleqatigiinneq nunatsinnut USA-mullu iluaqutaasussaq isumatusartorlu sallunneqarpoq.

 

Paasisaqarnerorusukkuit:

Naalakkersuisoqarfimmi pisortaq Kenneth Høegh, e-mail: kenh@nanoq.gl mobilnr.: +299 56 56 04