Aalisakkanut aqutsinissamik pilersaarutinut najoqqutassat

Naalakkersuisut nunatsinni aalisakkat pillugit aqutsinissamik pilersaarummut najoqqutarineqartussanik aalajangersaapput.

Aalajangersakkami Aalisarnermut, Piniarnermut Nunalerinermullu Naalakkersuisoqarfiup aqutsinissamik pilersaarutit tunngavigalugit suliaqartassaaq.

Pisuussutip siunissami, siumut takuneqarsinnaasumik qajannaatsumillu aqunneqarnissaanut tapersersuisumik aqutsisunut atortussatsialattut atorneqarsinnaanissaa aqutsinissamik pilersaarummi pingaarnertut anguniagaavoq.

Aqutsinissamik pilersaarut sunniuteqarluartoq taamaalilluni qanoq iliorluni aalisarnermi aalisagaqassutsimullu tunngatillugu pisunut assigiinngitsunut ajornartorsiutinullu qisuariartarnissaq pillugu najoqqutassanik pilersitsiffiusinnaassaaq.
Aqutsinermi paasinarnerusoqalernissaata siumullu oqaatiginnittoqarsinnaanissaata iluaqusernerisa saniatigut aqutsinissamik pilersaarutit atorneqarnerat aqutsinissanut aalajangiinerni assigiinngitsuni ataatsimut paasinninnissaq qulakkeerneqassaaq, pingaartumik tamakku inuussutissarsiortut aqutsisullu suleqatigiillutik ineriartortinneqarsimappata aamma ilisimatuussutsikkut ilisimasat inuussutissarsiortullu ilisimalersimasaat misilittagaallu ilaatinneqalersimappata.
Najoqqutassat Aalisarnermut, Piniarnermut Nunalerinermullu Naalakkersuisoqarfiup, Pinngortitaleriffiup, Kalaallit Nunaanni Aalisarsinnaanermut Akuersissutinik Aqutsisoqarfiup aamma Aalisarnermut Siunnersuisoqatigiit suleqatigiinnerisigut suliarineqarput, taakkulu sulinerat Kalaallit Nunaanni aalisarnermut aqutsinissamik pilersaarutit assigiit suliarinissaannut nalilersornissaannullu tunngaviliissaaq.

Najoqqutassatigut Kalaallit Nunaanni aalisakkanut aamma aalisagaqassutsinut ataasiakkaanut aqutsinissamik pilersaarutit assigiissuunissaat, aalisarnermi soqutigisallit peqatigalugit ineriartortitsiffiunissaat aamma tamakku minnerpaamik tunngaviliussanik Aalisarnermut, Piniarnermut Nunalerinermullu Naalakkersuisoqarfiup KANUAANA-llu tamakkiisumik aqutsinissamut, nakkutiginninnissamut aqutsinissamullu atuinissaat qulakkeerneqassapput.

Najoqqutarineqartussat nunatsinni aqutsinissamik pilersaarusiornermut isertuussaqanngilluinnarluni suliarineqarnermut qulakkeertitsisuupput.

Najoqqutarineqartut aamma aqutsinissamut pilersaarutit uani takusinnaavatit.

Pisariaqarpat najoqqutarineqartussat Aalisarnermut Ataatsimiititaliarsuaq isumaliuutissiissummik saqqummiussaqarpeerpat naleqqussarneqarsinnaapput.

Attavigineqarsinnaavoq Aalisarnermut, Piniarnermut Nunalerinermullu Naalakkersuisoqarfimmi siunnersortaaneq, Katrine Kærgaard. E-mail: katk@nanoq.gl