KANUAANA-p eqqaasitsissutit 217-it nassiuppai

KANUAANA angallatinik piginnittunut inuussutissarsiorluni aalisarneq pillugu aningaasaqarnerminnik paasissutissanik nalunaaruteqarsimanngitsunut allakkat eqqaasitsissutit 217-it nassiuppai

Inuussutissarsiutigalugu aalisartut aalisarnermillu ingerlatsisut angallatip tamakkiisumik takissusaani 6 meteri sinnerlugu angissusilinnik angallatillit tamarmik nunamilu aalisak­kanik tunisassiorfiit tamarmik qaammatisiutit malillugit ukiup siuliani aningaasaqarnermi paasissutissanik arlalinnik Kalaallit Nunaanni Aalisarsinnaanermik Akuersissutinik Nakku­tilliivimmut (KANUAANA) ukiut tamaasa nalunaaruteqartassapput. Umiatsiaaqqap tamak­kiisumik takissusaani 6 meterinik taannaluunniit ataallugu takussisilinnik umiat­siaarallit nassiussisussaatitaanngillat. 2020-mi taamaalilluni ukioq naatsorsuusiorfiusoq 2019 pillugu paasissutissanik nassiussisoqassaaq.

Tassa angallatip tamakkiisumik takissusaani 6 meterit sinnerlugu angissusilimmik 2019-imi angallateqaruit nalunaaruteqartussaatitaavutit.

KANUAANA nalunaarutinik ikittuaraannarnik tigusaqarpoq, taamaammallu nalunaarute­qarnikuunngitsunut allakkanik eqqaasitsissutinik nassiussaqarluni.

KANUAANA-p ilisimatitsissutigissavaa 26. juli 2020 nallertinnagu nalunaaruteqarto­qarsimanngippat KANUAANA-p angallatinik piginnittut politiinut unnerluutigissagai, inassuteqaateqarlunilu inunnut 2000 kr.-nik suliffeqarfinnullu 5000 kr.-nik pillaammik akiliisitsisoqassasoq.

Aamma 2019-imi nalunaaruteqartoqarsimanngippat KANUAANA-p nalunaaruteqarto­qartannginnera pissutigalugu inassuteqaatigissavaa pillaammik akiligassaq inunnut 5000 kr.-ussasoq suliffeqarfinnullu 10.000 kr.-ussasoq.

Una aqqutigalugu nalunaaruteqartoqassaaq

https://www.businessingreenland.gl/kl-GL/Fiskeri,-Fangst-og-Landbrug/Fiskeriindberetning_2018

Tunisassiorfiit tunitsiviillu aalisartut nalunaaruteqartussaatitaasut tunisaannik takussu­tissianik nalunaaruteqarnermi atugassanik ikiornissaannut pisussaaffeqarput.

Paasissutissat kukkunersiuisumit nalunaarsukkamit imaluunniit naalagaaffimmit akueri­saasumit uppernarsarlugit atsiorneqassapput.

Inatsisitigut tunngavik:

Inuussutissarsiutigalugu aalisarnermi aammalu nunami tunisassiorneq pillugu tunisassiornikkut aningaasaqarnikkullu paasissutissanik nalunaarutiginnittarneq pillugu Namminersorlutik Oqartussat nalunaarutaat nr. 11, 1. august 2017-imeersoq, tak Aalisarneq pillugu Inatsisartut Inatsisaanni nr. 18, 31. oktober 1996-imeersumi kingusinnerusukkut allanngortinneqartarnikuusumi § 25.

http://lovgivning.gl/lov

Annertunerusunik paasisaqarusukkuit attaveqarfigiuk KANUAANA oqarasuaatikkut 34 50 00 imaluunniit mailikkut gflk@nanoq.gl.