Nunatsinni Ilisimatusarnermik Siunnersuisoqatigiit ilaasortassaanik innersuussusinnaasut nalunaarsorneqarfiata nutarternera

Nunatsinni Ilisimatusarnermik Siunnersuisoqatigiinut ilaasortassanut nutaanik toqqaasoqassaaq 1. oktobari 2020 ivertinneqartussanik. Naalakkersuisut ilaasortassanut nutaanut innersuussuteqarsinnaasut alajangersarsimavaat.

 

Ilisimatusarnermik Siunnersuisoqatigiinut ilaasortat toqqarneqartarput aalajangersakkani §§ 8-11 Inatsisartut inatsisaanni Ilisimatusarnermut siunnersuisarneq ilisimatusarnermullu aningaasaliisarneq pillugit nr. 5, 29. novembari 2013 –imeersumi. Tassani allaqqavoq:

 

“Toqqaaneq kalaallit ilisimatusarnikkut suliffeqarfiutaannit, ilisimatusarnikkut qitiusumik sammisaqarfiinit, ilisimatusarnikkut suliaqartunit kiisalu aallarnisaasutut nutaaliornikkullu suliaqartunit inassuteqartitsinikkut pissaaq. Naalakkersuisut suliffeqarfiit, qitiusumik sammisaqarfiit suliaqartullu inassuteqarsinnaatitaanersut aalajangersassavaat tamanullu saqqummiullugit”.

 

Innersuussisinnaatitaasunut allattorsimaffiat:

 

-          Ilisimatusarfik

-          Pinngortitaleriffik

-          Asiaq

-          Arctic DTU Campus Sisimiut (ARTEK)

-          Silap Pissusianik Ilisimatusarfik

-          Kalaallit Nunanni peqqissusermik Ilisimatusarfik

-          Dronning Ingridip Napparsimmavissua

-          Nunatta Katersugaasivia Toqqorsivialu

-          Naatsorsueqqissaartarfik

-          Nunatta Atuagaateqarfia & Groenlandica

-          Oqaasileriffik

-          Greenland Business A/S

-          Sulisitsisut

 

Suliap ingerlateqqinnissaa

Allattorsimaffik saqqummiuneqareerpat Nunatsinni Ilisimatusarnermik Siunnersuisoqatigiit allattoqarfiata toqqarneqatussanik innersuusuteqaqqusinermigut suliaq ingerlateqqissavaa.