Ilulissani tatsimit imermut imigassamut imeqarfiusumit erngup misissoqqissaarneqarnerata inerneri

Ilulissani eqqaavissuarmi ikuallattoqareernerata kingorna tatsimit imermik imigassamut imeqarfiusumit imermik misissugassamik immikkut tigusinissaq Ilisimatusarnermut Avatangiisinullu Naalakkersuisoqarfiup aallartippaa. Siunnerfigineqarpoq eqqaavissuarmi ikuallattoqarnerani erngup imigassap mingutsinneqarsimasinnaanerata misissornissaa. Inerneri Naalakkersuisoqarfiup maannakkut tigusimalerpai.

Akuutissanut ataatsimoortukkaanut dioxin-inik taagorneqartunut ersiutit nassaarineqarput. Ikuallannerup malitsigisaanik mingutsitsinerup pilersimanissaa ilimanaateqarpoq, Taamaattoq assersuutigalugu eqqakkat atortunik assigiinngitsorpassuarnik akoqartut ikuallanneranni dioxin-it amerlanertigut pilertartut ilisimaneqarpoq.

Nunatsinni nakorsaanerup immikkut ilisimasallit nunanit allaneersut suleqatigalugit inerneri nalilersorpai.
Dioxin-it annikitsuaraannaat nassaarineqarput, taakkua annertuumik peqqissutsimut ajornartorsiutaasutut isigineqarsinnaanatik. Taamaattumik naliliisoqarpoq imeq nalinginnaasumik atorneqaannarsinnaasoq.

Annertunerusunik paasisaqarusunnermi attaveqarfigineqassaaq Ilisimatusarnermut Avatangiisinullu Naalakkersuisoqarfimmut Naalakkersuisoqarfimmi pisortaaneq, Mette Skarregaard Pedersen, Email: pan@nanoq.gl, tlf. +299 52 98 44