Qeqertarsuup tunuani meeqqanut IGASA workshopit

Paarisa aamma Maria Motzfeldt Aasiaanni, Qeqertarsuarmi, Ilulissani Qasigiannguinilu IGASA workshop-imut qaaqqusimmata meeqqat ulloq naallugu nuannersumik nerisassioqatigiinnissamut qilanaalersinnaapput.

-”Paarisap meeqqat ullormi ataatsimi nuannersumik assigiinngitsorpassuarnik sammisassaqartikkusullugillu ilinniartikkusuppai. Nerisassanut nerisassallu peqqissutsitsinnut ataatsimooqatigiittarnitsinnullu tunngasunik assigiinngitsorpassuarnik meeqqat ilinniartinneqassapput. Nerisassioqatigiinneq nereqatigiinnerlu peqqinnarlunilu nuannerpoq. Oqariartuut tamanna pingaarutilik IGASA workshopit aqqutigalugit siammarterusupparput,” taama Paarisami sulinermik aqutsisoq, Kirsten Fencker, oqarpoq.

Ullormik ataatsimik sivisussusilinnik IGASA workshopinik meeqqanut atuareernermi ornittakkanukartartunut ingerlatsinermi Paarisap Maria Motzfeldt suleqatigaa. IGASA workshopit illoqarfinni ukunani ingerlanneqassapput:

Aasiaat: 6.-7. juli
Qeqertarsuaq: 8.-9. juli
Ilulissat: 9.-13. juli
Qasigiannguit: 14.-15. juli

Ulluni sorlerpiarni workshopit ingerlanneqassanersut kingusinnerusukkut nalunaarutigineqassammat illoqarfinni allagarsiiviit malinnaaviginiarigit.

IGASA workshopini meeqqat ilaatigut nerisassat nerisassiornerlu pillugit ilinniartinneqassapput, ammalu nerisassioqatigiinnermi neriqatigiinnermilu misigisaqarfiulluartarnera ersersillugu. Nerisaqarnermut innersuussutit qulit, pingaartumik aalisagartukulasarnissamik siunnersuutitsialak, pillugit saqqummiussisoqassaaq, aamma iggavimmiissapput mamartunillu nerisassioriarlutik nereqatigiissallutik.

Pilersaarutaavoq ukioq manna kingusinnerusukkut Qaanaami, Ittoqqortoormiini aamma Tasiilami IGASA workshopit ingerlanneqarnissaat.

Paasisaqarnerujumallutit Paarisami sulinermik aqutsisoq, Kirsten Fencker, attavigiuk oqarasuaatikkut +299 34 69 06 imaluunniit e-mailikkut kfen@nanoq.gl