Pisortaq nutaaq

Ilinniartitaanermut, Kultureqarnermu Ilageeqarnermullu Naalakkersuisoqarfimmi pisortanngoqqammersoq

neqeroorfigineqassasoq Naalakkersuisut aalajangerput. Taamaattumik Karsten Peter Jensen Ilinniartitaanermut, Kultureqarnermut Ilageeqarnermullu Naalakkersuisoqarfimmi pisortatut 1. juuli 2020-mi atorfinissaaq.

Karsten Peter Jensen suliaminut tunngatillugu Namminersorlutik Oqartussani tunuliaqutaqarpoq, tassani 2014-imiilli Ilinniartitaanermut, Kultureqarnermut Ilageeqarnermullu Naalakkersuisoqarfimmut attuumassuteqarsimalluni. Karsten Peter Jensen kingullermik Naalakkersuisoqarfimmi Aningaasaqarnermut Sullissinermullu immikkoortortaqarfimmi pisortatut atorfeqarsimavoq kisiannili 1. marsi 2020-miilli Ilinniartitaanermut, Kultureqarnermut Ilageeqarnermullu Naalakkersuisoqarfimmi pisortaagallartutut atorfeqarsimalluni.

Karsten Peter Jensenip atorfinitsinneqarnera pillugu Ane Lone Bagger imatut oqaaseqarpoq: ”Isumaqarpunga Naalakkersuisoqarfimmi piginnaaneqarluartumik pisortartaartugut. Karsten sukumiisumik sunniuteqarluartumillu sulisarpoq aamma naalakkersuinikkut aaqqissuussaanermik ilisimasaqarluarpoq. Karstenip "ukiukitsuunera" Naalakkersuisoqarfimmi nutaamik pilersitsiffiuvoq aamma pisortaagallarnermini Naalakkersuisoqarfinnik kommuninillu, tamakku meeqqanik inuusuttuaqqanillu sulinerni pingaaruteqarput, allanik suleqateqarluarsinnaanini takutereerpaa. Suleqatigiilluarnitta ingerlateqqiinnarnissaanut qilanaarpunga."


Nuuk, 30. juuni 2020