Ullormi 15. junimi ammaaqqinnissaq attatiinnarneqassaaq

Naalakkersuisut sapaatit akunnerini kingullerni coronamik tunillatsissimasut Danmarkimiittut nunarsuullu sinneraniittut malinnaavigeqqissaarsimavaat. Ippassaq partiini siuttut tamarmik ataatsimeeqqipput ammaaqqinnissamullu isumaqatigiissutertik allanngortissanngitsoq qulakkeeqqillugu. Partiit siuttuisa ataatsimiinneranni ammaqqinnissamut immikkoortup 1-ip ataasinngornermut junip 15-iannut ullulernera attatiinnarneqassasoq isumaqatigiissutigineqarpoq.

 

Ammaaqqinnissamut atatillugu Kalaallit Nunaanni kikkut tamarmik makkuninnga maleruaanissaat pingaaruteqarluinnarpoq:

  • Siunnersuutit peqqinnissamut tunngasut

  • Nunatsinnut tikinnermi maleruagassat

  • Angerlarsimaannarnissamut maleruagassat

 

Siunnersuutit peqqinnissamut tunngasut tassaapput:

  • Allanut qanillinaveersaarit

  • Assatit errortukulakkit assanullu spriti atortaruk

  • Qanit talinnik asserlugu quersortarit imaluunniit tangajortarit

 

Danmarkiminngaanniit tikittut imaaliussapput:

  • Aallarnissaq sioqqullugu ulluni 2-5-ni tunillatsissimanngitsutut misissortissimassaatit.

  • Sumut-immersuiffissamik immersuisimassaatit

  • Kalaallit Nunaannut tikikkuit ingerlaannaq angerlarsimaannaqqusaaneq malillugu angerlarsimaannassaatit

  • Tikereernerpit kingorna ullut tallimassaani Covid-19-imut misissorteqqissaatit

  • Misissorteqqinnermi tunillatsissimanngikkuit mattusimaneq unissaaq.

  • Tunillatsissimassaguit - angerlarsimaffimmi mattusimanerit aallartissaaq, ilinnullu tunngatillugu sianigisassanut tunngatillugu nakorsaanermiit saaffigineqarumaarputit.

 

Angerlarsimaannaqqusaaninni:

  • Sapinngisamik angerlarsimaffinniiginnassaatit

  • Anisinnaavutit kisianni inoqatitit attaveqarfiginaveersaakkit – qanillinaveersaarlugit

  • Angerlarsimaannaqqusaaneq inoqutigiit sinnerinut atuutinngilaq, timi atorlugu imminut attortarneq pinaveersaarneqarsinnaappat eqqiluisaarluarnissarlu eqqumaffigisinnaagaanni.