Aalisarnermut, Piniarnermut Nunalerinermullu ataatsimiititap tusagassiorfitsigut nalunaarutaannut ilumuunnginneraaneq

 

Aalisarnermut, Piniarnermut Nunalerinermullu Ataatsimiititaliaq ilaatigut nipisaat suaat pillugit maajip 17-iani 2020-imi Aalisarnermut, Piniarnermut Nunalerinermullu Naalakkersuisumik siunersiuinini pillugu ullumikkut maajip 25-iani tusagassiorfinnut nalunaaruteqarpoq.

Ataatsimiititaq tusagassiorfinnut nalunaaruteqarnermini ima oqariartuuteqarpoq; ”Aalisarnermut, Piniarnermut Nunalerinermullu Naalakkersuisup naak ilisima­galuarlugu MSC-mut nalilersuut ulorianartorsiortissinnaallugu nipisaat suaannik immikkut pisasseeqqissimanera isornartorujussuusoq akuerineqarsinnaanngit­sorlu ataatsimiititaliaq isumaqarpoq.”

Matumuuna erseqqissaatigineqassaaq Ataatsimiititap oqaaseqarnera eqqortuun­ngimmat tassami, Aalisarneq pillugu inatsit naapertorlugu Naalakkersuisut tamarmiullutik pisassiissutinik aalajangersaasinnaatitaammata, tamannalu Aali­sar­nermut, Piniarnermut Nunalerinermullu Naalakkersuisumit aalajangiivigine­qarsinnaanngimmat.

 

Inussiarnersumik inuulluaqqusillunga

Jens Immanuelsen

Aalisarnermut, Piniarnermut Nunalerinermullu Naalakkersuisoq