Danmarkimi ilinniarfinnut ammaqqissimasunut ilinniariartorluni angalasarnerit

Sisamanngorneq 7. maaji Danmarkimi Ministeriunerup Mette Frederiksenip Danmarkimi efterskolit inuussutissarsiornermullu ilinniarfiit 18. maaji aallarnerfigalugu ammaqqikkiartorneqarsinnaalersut nalunaarutigaa. Tassa imaappoq Kalaallit Nunaanni atuartut ilinniartullu pisariaqarpat Danmarkimukarlutik soraarummeeriartorsinnaalersut.

Ilinniarfiit ataasiakkaat qanoq ammariartussanerlutik namminneq aalajangissavaat ullorlu ammarfiusussaq sumiiffinni assigiinngitsuni allaasinnaavoq taamaammallu aallarnissap ulluanut allannguissalluni. Taamaammat kaammattuutigineqarpoq qaqugukkut ammaasoqarniarneranut tunngasut qaqugukkullu allartoqarsinnaanersoq paasiniarlugit atuarfigisaq ilinniarfigisarluunniit attavigineqassasoq.
Kingorna angalanissamut, siunnersorneqarnissani inniminniinissanilu ilinniarfigisaq nalinginnaasumik inniminniiffigisartagaq attavigineqassaaq. Billetsinik nammineerluni inniminniisoqannginnissaa inassutigineqarpoq, tamannali ilinniarfigisaq aqqutigalugu pissasoq kaammattuutigineqarluni.

Efterskolinut tunngasut
Danmarkimi efterskolit peqatigiiffiata Meeqqat atuartitaanerlu pillugit ministeriaqarfik (Børne- og Undervisningsministeriet) aamma peqqissutsimut aqutsisoqarfik (Sundhedsstyrelsen) ullumikkut ataasinngornermi ataatsimeeqatigai efterskolinilu atuartitaaneq, atuanngiffeqarneq, nerisaqarneq ineqarnerlu pillugit pissutsit immikkut ittut eqqartorlugit. Atuartut uteqqinnissaannut tunngatillugu efterskolit qanoq aaqqissuussillutik ammaqqikkiartornissaannut ilitsersuut kingusinnerpaamik pingasunngornermi tunniunneqarnissaa efterskolit peqatigiiffiata naatsorsuutigaa.

Ilitsersuut
Kalaallit Nunaanni atuartunut, lærlinginut ilinniartunullu – atuarfinnut ilinniarfigisannulluunniit saaffiginnigit.

Atuartunut nunamut allamut ilinniariarsimasunut imaluunniit efterskolimi atuartunut Danmarkimi efterskoleni atuartunut – efterskolit saaffigeqqaaruk ammaaqqinnissamullu paasissutissanik pissarsillutit. Kingorna efterskolit pillugit aqutsisoqarfimmut ugguuna efterskole@nanoq.gl oqarasuaatikkulluunniit ugguuna +299 346755 imal. +299 346754 attaveqarit.

Kalaallit Nunaata avataani atuartunut, lærlingenut ilinniartunullu
allanut – Danmarkimi najukkanni kalaallit illuannut saaffiginnigit. https://www.groenlandskehuse.dk-mut attavissarsiorit Majorialluunniit angalanissarnut sullittarpatit paasiniaaffigiuk.

Danmarkimi højskolini atuartut Majoriamut attaveqassapput. Majoriap angerlarnissannut qinnutissavaatit. Nalornisoqarpat Majoriaq Grønlandsk Center for Danske Højskoler-mut e-mailimut hojskole@nanoq.gl-mut attaveqartoqarsinnaavoq.