Arctic Future Challenge

Naalakkersuisut, Savalimmiuni Landstýri aamma Islandimi naalakkersuisut Qallunaat Nunaanni nalakkersuisut suleqatigalugit akuersissutigaat inuusuttut tassaassasut naalakkersuinikkut pingaarnerutinneqartussat. Arctic Future Challenge pilersinneqarpoq aamma isumassarsiamut taaguut Islandimi Arctic Circle Assemblymi saqqummiunneqarpoq. Unammisitsinerup siunertaraa nutaaliornerup aamma inuussutissarsiutinik pilersitsinerup nukittorsarnissaat Issittumi inuusuttut akornanni, aamma Issittoq ilisimaneqalissasoq tassaasoq aningaasarsiornikkut pilersitsinissamut aningaasaliinissamullu periarfissaqartoq.

Nalakkersuisoq Ane Lone Bagger imatut oqaaseqarpoq:

”Issittumi inuusuttut siunissami suliffissat pilersikkumaarpaat. Issittumi kinguaariit inuusunnerit siunissami piujuaannartitsinissaq tunngavigalugu ineriartortitsinissamut akisussaalerumaarput. Taamaammat pingaarutiqarpoq inuusuttut nutaaliornermut inuussutissarsiutinik pilersitsinermullu sakkussaanik tuniorassallugit. Aningaasarsiornikkut inooqataanikkullu ineriartortitsinermut qaffakkiartornermullu inuusuttut toqqammavissaq sanaartugassaaraat”.

Arctic Future Challenge pillugu takussutissaq
Unammisitsinermi tunngaviuvoq iluseq aallaavissaq aalajangersimasoq inuusuttut kaammattorniarlugit inuussutissarsiutinik pilersitsineq pillugu peqataanissamut saqqummersinniarlugit suliffeqarfiit imaluunniit suliffeqarfissanut tunngavissiat. Unammisitsineq ajugaasitsinermik naammassineqassaaq Arctic Circle Assembly Conference-imi Islandimi oktober 2020-mi ingerlanneqartussami.

Anguniarneqartut
Inuusuttut 18-init 29-nut ukioqartut aamma/imaluunniit ilinniarfinni ilinniartut imaluunniit Issittumi nunani suliffeqarfiit ilaanni sulisut. Unamminermi immikkoortut pingasuupput:
(1) Nunami issittuni inuusuttut suliffeqarfiutaanik pilersitsillammak
(2) Nunani issittuni suliffeqarfittaatsialak, aamma
(3) Nunani issittuni Inuusuttunut ilinniartunut niuernissamut isumassarsiatsialak

Nunat peqataasinnaasut
Nunani Issittuni nunat immikkoortui: Kalaallit Nunaat, Savalimmiut (Kunngeqarfik Danmark), Canada, Finland, Island, Norge, Rusland, Sverige aamma United States.

Annertunerusumik paasisaqarusukkuit attavigiuk: Naalakkersuisup allattaa Rosa Thorsen rosath@nanoq.gl oqarasuaat: +299553303