Timersortarfinnut innersuussutit

Peqqissutsimut Naalakkersuisoqarfik Nunattalu Nakorsaaneqarfia timersortarfinnik, soorlu haalinik naluttarfinnillu ammatitsinermut ataani allassimasunik innersuussutiliorsimapput.
Illup iluini timigissartarfiit timersorfissallu makkuninnga inassuserlugit ammarneqassapput:
  • Inuit ininut qatserisartoqarfinni oqartussaasunik akuerineqarsimasunut isersinnaatitaasut amerlanerpaaffissaasa affaannaat isersimasinnaapput, taamaakkaluartoq amerlanerpaamik inuit 100-t, taassuma saniatigut Namminersorlutik Oqartussat nalunaarutaat nr. 13, 23.april 2020-imeersoq takuuk.
  • Sapinngisamik inuit meterinit marlunnit qaninnerunaveersaakkit
  • Nappaammik ersiuteqanngikkaanni timi alla attorlugu timersoqatigiittoqarsinnaavoq
  • Eqqiluisaarnissamut ilitsersuutit malikkit
  • Nappaammik ersiuteqaruit angerlarsimaannarit
  • Imeq qaqorsaat kiisalu assanut spriti tamanit atorneqariaannaasariaqarput
  • Allarutit avinneqassanngillat / kikkut tamarmik namminneq allaruteqassapput
  • Timigissarnermut atortut/atisat/assanut qaqorsaat allallu eqqiluisaarniutit avinneqassanngillat
  • Imerfiit allallu imertarfiit avinneqassanngillat
  • Eqitaarinaveersaarit assammiinaveersaarillu
  • Tamanit attukulaneqartut, soorlu matserfiit elevatorit, timigissarnermut atortut assigisaallu salikulaneqassapput