Siulersuisunik pilersitsineq Nunanut Tamalaanut Issittoq pillugu Katersuuffimmut

Danmark aamma Kalaallit Nunaat siulersuisunik pilersitsipput Nunanut Tamalaanut Issittoq pillugu Katersuuffik

Danmark aamma Kalaallit Nunaat pilersitsipput nunanut tamalaanut issittoq pillugu katersuuffimmik, Nuummi Kalaallit Nunaanni, siulersuisoqatigiinnillu katitseralutik, issittoq pillugu katersuuffimmik atortuulersitsisussanik.

Nunanut tamalaanut issittoq pillugu katersuuffiup siunertaraa pilersitsinissaq immikkuullarissumik ataatsimoorfiusumillu Kalaallit Nunaanni aaqqissuussineq kalaallinut, danskinut aammalu nunanit tamalaaneersunut issittumi ilisimatusartartunut kiisalu aamma issittumi soqutigisanut katersuuffiunissaq. Nunanut tamalaanut issittoq pillugu katersuuffik ikiortaassaaq ataqatigiissaarinermik ilisimatusarnermi, ilinniartitaanermi, nunat tamalaat akornanni suleqatigiinnermi, inuiaqatigiinnut paasissutissiisarnermi, ilisimatuut aamma inuussutissarsiortut akornanni suleqatigiinnermi aamma pisortat ingerlatsineranni suleqatigiinnermi.

Suleqatigiinnermut tunuliaqutaasutut Kalaallit Nunaat aamma Danmark suliassanik suliniuteqarfiusussanik oqaasertalersuiffeqarsimapput Issittumi Katersuuffiup ataatsimoorussanik anguniagaanik, ataatsimut tunniussisunik ilisimatusarnikkut pinngortitami ataqatigiinneq tamarmiusoq pillugu tunngaviusunik ilisimatusarnermit aalajangersimasunik siunertalinnik ilisimatusarnermut, kiisalu paasissutissiisarnernut, atuartitsinermut aammalu ilinniartitaanermut.

Nunanut Tamalaanut Issittoq pillugu Katersuuffimmik piviusunngortitsinermi alloriarneq siulleq tassaasimavoq siulersuisoqatigiinnik pilersitsineq. Siulersuisuni siulittaasoq toqqarneqarpoq Danmark-ip ilinniartitaanermut ilisimatusarnermullu ministerianit - Uddannelses- og forskningsminister, Ane Halsboe-Jørgensen-imit, siulersuisunilu ilaasortat sinneri toqqarneqarlutik Danmark-imi Ilisimatusarnermut aamma Ilinniartitaanermut Aqutsisoqarfimmit aammalu Nunatta Naalakkersuisuinit.

Siulersuisut siulittaasuat:
Ulrik S. Korsholm, DMI-mi ilisimatusarnermut pisortaq, - Forskningschef, Danmarks Meteorologiske Institut

Siulersuisuni ilaasortat:
Lise-Lotte Terp, Direktør, Arctic Consensus
Torben Røjle Christensen, Professori, Aarhus Universitet
Gitte Agerhus, Allaffimmi pisortaq, Danmark-imi Ilisimatusarnermut Ilinniartitaanermullu Aqutsisoqarfik
Hans Kristian Olsen, Ilisimatusarnermik Ataqatigiissaarisoq, Ilisimatusarfik
Carl Egede Bøggild, Specialkonsulenti, Ilinniartitaanernut, Kultureqarnermut Ilageeqarnermullu Naalakkersuisoqarfik, Namminersorlutik Oqartussat
Pauline Knudsen, Pisortaq, Kalaallit Nunaanni Tikeraat Qitiusumik Ornittagaat.
Mette Moth Henriksen, Inuussutissarsiornermut, Nukissiuuteqarnermut, Ilisimatusarnernut Suliffeqarnermullu Naalakkersuisoqarfik

”Nunanut Tamalaanut Issittoq pillugu Katersuuffik Kalaallit Nunaanni, tassaalersinnaavoq nunat tamalaat akornanni katersuuffik nutaaq, issittimi ilisimatusarnernut atatillugu, piffissami eqqortumi pilersoq. Maanna annertuumik issittoq sammineqarpoq, Issittorlu pillugu ilisimasanik annertunerusunik ujartuisoqarluni. Danmark aamma Kalaallit Nunaat ataatsimoorlutik pilersitsisinnaapput nunat tamalaat akoranni suleqatigiinnermik, nukittorsaallunilu iluaqusiisussamik ilisimatusarnermik Kalaallit Nunaanni ingerlanneqartumik. Ilisimasat pineqartut iluaqutaalersinnaapput innuttaasunut, inuussutissarsiortunut aammalu nunat tamalaat akornanni iluaqutaasinnaallutik.” Ulrik S. Korsholm siulittaarsoq oqaaseqarpoq.

Siulersuisunut suliassat allassimaffianni qalliuvoq Nuummi Nunanut Tamalaanut Issittoq pillugu Katersuuffianni allattoqarfiup pisortassaanik atorfinititsinissaq, ulluinnarni ingerlatsinermik isumaginnittussamik ineriartortitsisussamillu Nuummi Nunanut Tamalaanut Issittoq pillugu Katersuuffimmik.

Nunanut Tamalaanut Issittoq pillugu Katersuuffik aningaasalersorneqassaaq Danmark-imiit (3,0 mio. kr.-it ukiumut) aamma Kalaallit Nunaanniit (0,75 mio. kr.-it ukiumut) aningaasanut inatsisikkut.

Aallarnisarnermi siulersuisut sullinneqassapput danskit Ilisimatusarnermut Ilinniartitaanermullu Aqutsisoqarfianniit, Nuummi allattoqarfissap inissinnissaata tungaanut.

Piffissami matumani Namminersorlutik Oqartussanit suliarineqarpoq Ilisimatusarnermut atatillugu periusissiassaq, Naalakkersuisut nunat tamalaat akornannit Kalaallit Nunaanni ilisimatusarnikkut ungasinnerusumut siunnerfigisaannik anguniagaannillu allaaserinnittoq. Ilisimatusarnermut periusissiassaq aamma iliuusissanut pilersaarutinik imaqassaaq, nassuiaasunik suliniutissat arlaqartut siunnerfigisaannik anguniagaannillu. Iliuusissanut pilersaarummi suliniutissat ilagissavaat Nunanut Tamalaanut Issittoq pillugu Katersuuffik.

Nunanut Tamalaanut Issittoq pillugu Katersuuffimmik pilersitsineq aamma isigineqassaaq Danmark-ip nunanut allanut sillimaniarnermullu atatillugu periusissiaata 2019-20-ip ilaatut. Ilanngunneqassaarlu aamma Nunanut Tamalaanut Issittoq pillugu Katersuuffik ilaammat Kalaallit Nunaata Danmark-illu anguniagaannut Issittumi nunat tamalaat suleqatigiinneranni pilersitseqataanissaq atortulersueqataanissarlu, tak. Issittumi siunnersuisoqatigiit paaseqatigiissutaat taaneqartoq Agreement on Enhancing International Arctic Scientific Cooperation, Kalaallit Nunaanniit Danmark-imiit issittumilu naalagaaffiit sinneriniit akuerineqartoq 2017-imi.


Paasissutissanik annertunerusunik piniaraanni attavigineqassaaq:
Siulersuisut siulittaasuat Ulrik S. Korsholm: usn@dmi.dk imaluunniit oqarasuaat.: (+45) 93 51 73 54

Ilisimatusarnermut Ilinniartitaanermullu danskit Aqutsisoqarfiat, Allaffimmi pisortaq Gitte Agerhus: gha@ufm.dk tel.: (+45) 72 31 82 50

Inuussutissarsiornernut, Nukissiuuteqarnermut, Ilisimatusarnermut Suliffeqarnermullu Naalakkersuisoqarfik: Allaffimmi pisortaq, Tuperna M. Olsen: tumo@nanoq.gl